((جرحي))
بقلم الشاعر /أحمد محمد النظاري
الهم خيم والقلق حل بالراس
والنفس حيرى والاماني شريدة
اكتب همومي من معاناة وإحساس
واترك زماني يفعل اللي يريده
جروح قلبي تجعل العقل يحتاس
والفكر ينسج من حروفي قصيدة
والجرح لو يكتب بحبر وقرطاس
يعجز يوفيه القلم او يصيده
لانه كبير ومايغطيه هوجاس
ومايظهر الا ماسمع من نهيده
جرحي : بلادي باعها كل دساس
وشعبها يأكل ويشرب صديده
دمر يمنا من حكمها ومن ساس
وباعها من أجل يعلى رصيده
وكل واحد مننا خلف متراس
يقتل ويقتل لجل يرضي عميده
نقتل ونشتم بعضنا لجل الأفلاس
ونسفك دمانا لجل شله بليدة
شله بتنهب ما بأرضي من الماس
وتشفط من المسكين مافي وريده
واحد مسك من حوفها لا مكيراس
وواحد نهب من جوفها للحديدة
وكلهم يتحججونا بالإفلاس
وشعبنا صابر قدو عل الحديدة
أقولها ياقلب لاتحمل الياس
وأركن على خالق ورازق عبيده
هذي رسالها يفهمه كل حساس
وكل ماسك في زمام العقيدة
والختم صلى الله على خيرة الناس
اللي حمل كل الصفات الحميدة
للشاعر /أحمد محمد النظاري
27/8/2017
ليست هناك تعليقات:
إرسال تعليق
ادرج تعليقك في مجلة شعراء العرب