البدع من الشاعر علي حيطان الحميدي وجواب جمال علوي الحميدي

البدع من الشاعر علي حيطان الحميدي وجواب
جمال علوي الحميدي

البدع علي حيطان

يقول الفتى البداع يالهاجس اشعلا
وهات الحروف ونسج لي ابيات ساويه..

عن الحال والواقع والاطماع والبلا..
وشفت الجشع قدحل في كل زاويه..

والصدق اجزاءه قد اتطايرت شلا..
ومحذوف عند الناس والناس غاويه..

قد اغواهم الشيطان وحول وبدلا..
وابليس يسي مابين الاخوه مساويه..

والصدق والجود بين الاصحاب كملا...
والطيب والمعروف ساس البداويه..

وقول الحقيقه دايمن للهموم جلا..
ومن قد مشا بالصدق ماء شر ياويه..

ومابش صحب حصنه شمخ اوتديولا..
والكذب  دربه  والمطامع  مراويه..

وهذا يجامل ذا وذا بالنفاق كلا..
وذا ايد الغلطان في نسج طاويه..

وذا بالفلوس اابتاع ونسق وحللا..
وماحرمه ربي حللوه اااالمصاليه..

ومن ذمته تبتاع ونفسه تسولا..
عليه لعنت الله من سابع سماويه..

ومن غرته دنياه حين شافها حلا..
واغتررر بمواله وكثرررت دعاويه..

وشاف الهلافيت من حوليه تطبلا
واررتن واتثيخن وهو رروح ثاويه..

شف هذاه الدنياء شبيه المسلسلا..
نشوف اوله وايام من ايام  تاليه..

واعطيك مثال اخر تفكرر وتعقلا
وتفهم من الراوي كثير من حزاويه

وبقعا مثيل االبنت تززوج وتحبلا
و9شهور الحمل كم كم تقاويه..

ومدري ولد اوبنت با تسقط اوفلا
ولاحد بيعرف بالمصير غير باريه..

وبقعا تقلب واااااالزمن هو يبدلا...
وكم ياعبر حصلت وللان جاريه.

فيين الحسن هو والحسين فين كربلا..
كوادر قريش قد ذلهم سيف معاويه...

فيامن غرورك  زاد كثر ااالغرور. بلا..
وعن  ماغنا ااااالا غنا نفس راويه..

غنا اااالجود والمعروف ماقط يكملا
ورب ااالسماء عالم بما القلب ناويه..

وفي ختمها صليت على خير مرسلا..
صلاتي عليك تسمع لها الناس داويه..

الجواب جمال علوي

تراحيب     يابداع قد حرفه اقبلا
وصل عندنا واحنا سمعنا  شكاويه

تراحيب لا تعتد ولااااا قط  تجملا
تراحيب بك ياذيب من اذياب عاويه

ترا الكل بيعاني من الهم وااااالغلا
وشعب اليمن قد دخلوه وسط شاويه

والاصحاب خيرات فالسجلات تسجلا
ولاحد على منهج كتبنا السماااااااويه

ترا الصدق ياحيد خوك قد صار مهملا
وخيرت صديق تسلم  هداره  وداويه

وقول اااااالحقيقه صار خارب معطلا
ومرجوم في صحرا وسط ارض خاويه

ودرب الصحب ياحيد خوك شد عزلا
وذا الوقت زيد في فؤادي مكاااااويه

وقل للمجامل كن توقع وسير  دلا
ومن ساير الغلطان يتبع خطااااويه

ومن بالفلوس ابتاع لا فين يوصلا
جهنم مصيره ينذقوه وسط هاويه

ومن ذمته  تبتاع ما با يحصلاااااا
سوا الخزي فالدنيا ويوم اللقاويه

من اغتر فالدنيا اكيد  هو  يمهلااا
فما تنفع امواله ولو الف حاااااويه

ولو من حاوليه ناس تهرج وتشعلا
ولو يمدحوه الناس عقال وغااويه

ومن يتبع المخطي يكون المجندلا
لنو غبي ذي ما  فهم  شي  ملاويه

ترا المصلحي ما طول عمره تجملا
ومن قارب الكيار حرق من مكاويه

وبقعا غروره تغوي اااااالناس كاملا
غروووووره لعينه في دلعها نساويه

وهي مثل ما الدمنه اكيد قفله او جلا
ومن حبها يلعب وهي  ما  تداويه

وهي هكذا ااالدنيا. تسوي  وتفعلا
وغلطان من قد  حبها يا  علاويه

وعن قد غرق فرعون معا حقه الملا
وموسى عبر فالبحر بضربة عصاويه

ترا من تعلا بالغرووووور رد الاسفلا
يرده غروره بين اااااالاحذي مباويه

ومن هو غني النفس ياخي مجلالا
غنا النفس ماشي ياعلي خي يساويه

وفالختم اصلي ما المصاحف ترتلا
على من بعث  رحمه لنا  بالهداويه

حال(( بقلم الشاعر ابن حميد ))

اليوم كنا في مديرية عتمه مخلاف سمه في قضية محمد مسعد العزي ومعانا
المشايخ/
محمد حسين المقدشي
حمود زياد
ياسر علي سعيد
صفوان الشغدري
محمد عمران
والأستاذ حسن عبد الرزاق
وكثير من وجهاء المحافظة واعيانها

وكان هذا حالنا في الموقف
______________________

بسم الله الرحمن خطيت الحروف الملهمه
والحمد لله تملئ الميزان والكون الخلي

وازكى صلاة الله للهادي ذي الله كرمه
واله الأخيار والصحب الدراري والولي

وافضل سلام الود ينسح من على قلعة سمه
يبلغ سمه وابنا سمه كم من سماوي معتلي

وينتشي عتمه قفا شعب الندى  من محرمه
مع الصفا والماجل السافل ودار الفيصلي

والمجلعه والعر واسقى النجد لاما يدهمه
وركبة القات المعنن بعد فهر الشاهلي

والدور والداير ومن فيها تحزم محزمه
جمال ذي شيخه جمال الباسق البدر الجلي

وشيخها إسماعيل والقاضي عصام استعلمه
عن حالته أسأل من الله يجعل دايم سلي

والعاقل الميري صويب الرأي ربي فهمه
وأكبر تحيه تبلغ الشاجع محمد بن علي

هذا السلام الجم لأصحاب الوفاء والهيلمه
صاغه لسان الحال واستفرد بنظمه بركلي

كم قد نظمت اشعار بس اليوم مااقدرت انظمه
ولا تقوت تحمل اركاني دعامات ارجلي

من شدة الموقف بتتلعثم حروفي لعثمه
قدامي اقدامي تسابقني وهمي داخلي

أقسم لكم بالله لو قالوا لي البحر اطعمه
أو أنقل أوتاد الشوامخ انهو عندي دلي

لكن رجا في الأجر من رب البريه مااكرمه
جينا لوجه الله نسعى في الأهالي والهلي

ياكاظمين الغيظ يااصحاب المكارم والحُمه
يااهل الكرم والجود من عهد الزمان الأولي

إحنا قد اسلمنا وتلينا جبينه والدُمه
مسلمين الأمر لايديكم وهذا محفلي

هذي مشايخ عنس كم من هيم غالي مقدمه
وقادة الدوله وقدوتها والأستاذ العلي

حطوا بساحتكم امانيهم رجا بالمكرمه
يسابقوا ريح الرواسي والنسيم الشاذلي

إن شي لهم ضيفه فضيفتهم ذي الله يعلمه
ماودهم ضيفة مواشي لو يقع ألفين طلي

جو عن محمد مسعد العزي وفي يده دمه
وتل راسه والجبين اليوم في ما قد بُلي

العايش إبنك وابننا ذي غادر الله يرحمه
هو ابن مسعد وانت ابوه الجيد ياالقرن الشلي

ماجاء على دمه ظنين الكف واوفى مغرمه
فاحسن إليه الله يحب المحسن الكفو الملي

واحسانك المحسوب لاصحاب الوجيه المفعمه
وله ولاعمامه ولأمه واخوته وابوه ولي

أنا أسألك بالله تعفي عنه في ما تحكمه
انت النيابه والقضاء  والمحكمه يا ابو علي

وازكى صلاة الله للهادي ذي الله كرمه
واله الأخيار والصحب الدراري والولي

_________________________

✍ إبـ حُميـــد ـن
_______________

سلام الوفاء بقلم الشاعر ابو عاهد علي مهدي

هذا الحال كان. في بني حشيش قريه الحيوف  بعدمقتل الاخ بدرالعزي ناصر صالح الدرويش الذي قتل عن طريق الغلط   بوجود الشيخ عبدالقاضي وعدد من الاشخاص
وبعدذلك جات وساطه من خولان ومن الحداء ومن بني حشيش وحكمونا

سلام الوفا من يحصب الجود والكرم
جبابسم قايدها المحنك وشيخها

سلام من قبيله عنها عبر القلم
يريم الابيه من قممهاوسهلها

سلام بسم قاضيهاالابي صانع الحكم
ومن قومها الغمران وكافه رجالها

سلامي يزين الشمخ السود والقمم
من اليحصبي لاارض الحشيشي بكلها

: ومن يحصب الجوادت من انبل الامم
رجال الوفاء تعرف بساعه وصولها

لقوم الحشيشي خاص بلاسم والرقم
ومن قدعمد بارض الحشيشي وحلها

سلام للمشايخ اهل الاعراف والشيم
سلام للوساطه ذي تباهت بفعلها

سلام للعميسي شيخ لاقد دهم دهم
من ابناء االحداء مرجع للاعماس واهلها

سلامي لعبدالله الدباء منبع القيم
مراغه ومرجع كم مواقف يحلها

بخولان له مقدار عالي ومحترم
وله باليمن كلمه ولااحديملها

بفضل المشايخ شلمنا التم والتحم
فلايمكن اتنساء وفاها وجملها

وونعم بمن قد شارك الامر والتزم
وصان القبل لاالسلم والحل دلها

: واناجيت من يحصب وربعي معي عزم
بحسب القضيه ذي اتينا من اجلها

اتينا لاجل االدم هذا هوالاهم
نشوف القضيه ماهواسباب فعلها

فعادتنا بالقبيله من ذو القدم
اذا شي غلط ياقوم نسعى لحلها

فدام الواقايع مااحدا منها سلم
ضروري تحكم بعض الاشخاص عقلها

فمن شجع الغاوي على الباطل اودعم
فماعادله قيمه ونفسه يذلها

ولاعادله توبه ولاينفع االندم
ولاله مزيه كلمه الحق اقولها

فطبع الجياد  ان تجمع الصف لاانقسم
ووقت النوايب مااحداشل حملها

وحياقبال القوم ذي عندها ذمم
وتعرف وتفهم ماعليها ومالها.

وبالختم صلينا على سيد الامم
ذي اغلى بقدر النفس وحرم بقتلها

بقلم✍🏻
الشاعرابوعاهد علي مهدي

الحال بقلم الشاعر ابو فارس حميد غيلان

الحال في عرس الشيخ محمدعادل العمري
------------------------------------
سلام ياالحصن الرفيع الهائل
ياتاج رافع فوق كل التيجان

سابع عجايبها حدائق بابل
وانت ثامنها واكبر برهان

انك مطل على وصاب السافل
والقفر وقاع الحقل وعنس وجهران

هاياقرون لوتسمح انزل نازل
تواضعا ياحصن لاجل الضيفان

فالضيف ياحصن الحصون يستاهل
وانت للضيف تلقفه بالاحضان

وندري انك يامضيف جامل
وان ضيفك لن يلاقي قصران

بالصوت ياطير الحمام الزاجل
غرد بلحنك وانت فوق الاغصان

وانت ياقطر الندى الهاطل
رشرش عبيقك فوق وادي خيران

وياصبايااحجري بالداخل
ورددي يابيض اجمل الحان

وباركي له ياقبائل وائل
هذا الفرح والكرنفال الطنان

في عرس هذا الكوكب المتكامل
اللي بنوره قد اضاء البلدان

بدرالبدور الشيخ محمد عادل
ياسين وماشاالله على اخواركان

هذه تهانينا اليك كالوابل
يابدر عمره خمستاعش شعبان

خذها من اخوالك فأنت تستاهل
مبروك عليك يانجم كل العرسان

🍃🍃عبدالله البحم🍃🍃
مليون مرحب نكهته عنبر وهيل
بابن البحم مشياخ حمران العيون

ياصاحب الهمه تردوكل سيل
مطلع وليكم كل الاعدا صاغرون

ياهل الكرامه والكرم ياكل قيل
شرفتمونا ﻳﺎﺟﻤﻮﻉ ﺍﻟﺤﺎﺿﺮﻭﻥ

قال البزي لاقدوصل شيلوه شيل
هم فخرنا وهم بنا متفاخرون

من صافنات الخيل تسرج الف خيل
تواكب الموكب اذانتم سايرون

وبرتكولك خاص قدجهز بليل
وكل شامخ لاجلكم باينحنون

وباتنوب المدفعيه ل الجليل
ترحيب والعالم بصوته يشعرون

جواب علي ابورمزي البحم  نيابة عن بني عمر
كلمات  ابوفارس
حميدغيلان

زامل وحال بقلم الشاعر ابو همام الطاهش

زامل وحال الوصله من كلمات الشاعر ابوهمام الطاهــش،في عرس محمد علي نورالدين وكذالك في لقاء الشاعر الكبير علي ناصر المصري

سلام ياقريــة عريقــة موقعش بالخارطــة

في منتصف خطيــن والفاصل بهم خط الصراط

حسب الروابط والقــرابــه جيت اجدد رابطــــة

واعمر قواعدهــا بيدي صعب فك الارتبــاط
----------------------------------------

حسب الروابط والنظــام الحــالي
قد جيت اجدد رابطــه قبل الحال

وانظم حروفي واســتهل مــقالي
لاجل النشامــا والرجال الابطــال

قال البزي قد جيت عــند اخــوالي
والابزيــاء تفخــر بكنف الاخــوال

سلام يطحن كل شــامخ عــــالي
والجردمــة ينفض ابوها زلــزال

سلام يهبط بأحــرفي وخــــيالي
لا وسط ذي هربــه مطيّر وإقــبال

سلام من نهــري وعــذب زلالي
يسقي ويروي كل عاطش مااستال

سلام يصرف للمــدير الــمــالي
في شيك مني ليس من بيت المال?

حسب النظام المعتــمد والالي
يصرف لكم ياقــوم  باسم الوصال

سلام من قلبي ومــن طــحالي
للقلب حقي والكبد والــطحال

ياخير ديرة  من هواش الحــالي
نحت لش في قعر قلبي تمــثال

سلام لش مخصوص من مكيالي
ذي ما اقتنع بالكيل شل المكيال

والبلبــل اترنــم علــى مــــــوالي
وايقع على صوته كرامة مرسال

ومن ترانيــــمة تغــــنت دالــي
وايقع لها كاضم بهــذا المــوال

قال الفتي قد جيت انا طــوالي
رغم المسافه قلت ليش الطوال

والحال لا يخفى عليكــم حالي
والحال سئ غير كل الاحــوال

ما احد على ظهر السعيده سالي
والشعب عايش في مأسي واهوال

والكل حامــــل جعبتــــه والالي
والميج تقصف شعبنا والرافــال

واينمــا تولى شعــبنــا من والي
يصبح ضحيــة للسرق والانذال

من عهد الارياني نعم والتــالي
الحمدي المعروف هو والسلال

اما كليب ذي كان امبــريــــــــالي
ضحى براســة لاجل يسلم علال

وعلال حقــه عاش هو جــــمالي
والقافله ضاعت وضاع الجمــال

والختم صلى  الله حسب مقالي
على النبي ونعم بخير المرسال

✍ابوهمــام الطاهــش

حال تهنيه بقلم الشاعر د/ هيثم عوضه

سلامي لكم تعلم به الجن والبشر
ويسمع به  المقرب ويسمع به البعيد

سلام الوفا هد الشوامخ حجر حجر
ومنه يذوب الصخر والصلب والحديد

لشيخ الوفاء ذي منبعه من بني عمر
ل ناصر  علي ذي نعرفه جيد وبن جيد

وياشيخ صيتك جاوز الشمس والقمر
وباالقبيله لازلت سلطانها الوحيد

حكمته كما ابو بكر  عدلته كما عمر
ووقت المعارك انت خالد بن الوليد

ولا نعرفك تخضع لباطل ولا لشر
وللناس متواضع بك الناس تستفيد

واب الواء الاخضر  معي ينشر  الخبر
ويحصب يريم ينشر تهاني علﮰ البريد

ولا اجمل حراواى بارك الحظ والقدر
وكلين له قد حقق الله مايريد

ومبروك للغالي علي بسم من حضر
وللنجم هايل الف مبروك من جديد

ونهديهم اجمل عطر غالي ومعتبر
مع الفل والعنبر ومن اقال زيد ازيد

فهذا نظر عيني وذا السمع والبصر
وذا اليوم عندي عيد يسوا اربعين عيد

وماالحال حال الشعب ذي فاز وانتصر
امام العداء صامد مع يد من حديد

وذي ما اعتبر قد بايجي يوم واعتبر
وباينتهي حلف التحالف اكيد اكيد

معك يبن بدر الدين ومن خالف انتحر
بدرب الحسين لادرب من بايعوا يزيد

وخير الكلام صلوا ع سيد البشر
علئ المصطفى ذي حرر الرق والعبيد

الشاعر هيثم عوضه