لاجل الغلا برسل مع الشوق ورده
ارويتها من ماي عيني غلاها
عطرتها وحي الغلا والموده
وضميتها لصدري ولامس عطاها
أمنتك الله ضمها كل مده
حتى أحس ضميت قلبي معاها
غلاك عندي فاق ع الكون حده
ياوردة الجوري ونفحة شذاها
اشم عطر العود من ورد خده
زين المفاتن والندا من حلاها
أعوم في بحره بجزره ومده
واضم ورده .. لي لقلبي هداها
ورده ومافي مثلها شفت ورده
من أعين الحساد .. ربي حماها
مع تحيات الشاعر ابونادر بن عطاف
ليست هناك تعليقات:
إرسال تعليق
ادرج تعليقك في مجلة شعراء العرب