😴😴 راقد مودف 😴😴
حلمــت اني انا مالـك مـــصــانــع
اورد مـنّـهـا لـلــهــنـد والـــصــيـن
هناجـر تـحـتـهـا عــدة بــضــايــع
ومن تأسيسـهــا قـد مـر عـامـيـن
ومن ضمن الحـلـم مـالـك مـزارع
الفلف مـنّـهـا لـلـجـيـب قـرشـيـن
خلاص قد سرت انا سواق روابع
ومالك جيب ومنيكا وشـاصـيــن
خلاص من ذي الحياه قد صرت قانع
ضبح قد سرت لامريكا وبحـرين
وفي نفس الحلم جـا شـيّ رائـع
تـزوجـنـا بـنـيـه طـبـعــهـا زيـــن
ودرّسـت الولـد في صــف رابــع
ولي توأم بجنب الولْـد بـنـتـيــن
وطول الوقت انـا نـازل وطـالــع
ولفيت الوطن واجمـع مـلايـيــن
اشل الظـرف لــلأربــاح اراجـــع
وشيك اصرف اذا جوني مساكين
تذكرت اننـي ف الـحلـم ضـايـع
تـاكـدت انـنـا لـي نـوم يـومـيـن
مصيبه يا رجال قد نمت جـاوع
ولا عد زد دريت رايح على وين
✍🏻
الشاعر ابراهيم ابو شامخ المختاري
ليست هناك تعليقات:
إرسال تعليق
ادرج تعليقك في مجلة شعراء العرب