*هوشات ما قبل الإفطار (14)* للإعلامي: مروان الشرعبي

*هوشات ما قبل الإفطار  (14)*

*امجد:* يا نشوان ..يا نشوان..

*نشوان:* هاااا.. موقابو معك ..

*أمجد:*  هههههه
   سريع سريع يلا انا وانت نروح  نشتري ثلج من البقالة الثانية أما هذه البقالة ما يزيدحنا ابداا

*نشوان:* بس ؟؟؟؟

وكل هذا الصياح والصوت العالي عشان نروح نشتري من البقالة الثانية ..ألله يسامحك. .

طيب ..طيب
يللا

*أمجد :*  يييي يا عم احنا جئنا لك قدك عارف من فين مادخلي. اعرف على نفسك ..

*صاحب البقالة:* من عيوني 
     ما يهمك ..
هذا بحقك وامسك هذا مني توصية هنيئا ..

*نشوان :*  زوده قليل ..يا رجال ..هذا بنوصل البيت قا ذاب كله...

*صاحب البقالة:* وهذا  زيااااده .

*امجد*  شكرا لك يا عمووو..

*الأخت :*  هيا وين حقكم أمجد هذا ..الأذان قرب وما صلحت الفانتو ولا العصير
كله عشان الثلج

الله يخارجني الليلة
اتصلي له يا نجود ..

*نجود:*  يوووو.. صوت جواله بالغرفة  ما شله  معه ..
ههههه

*الأخت:* وإني والله ما اصلح الليلة فانتو ..
10 دقائق  بارتاح بها ..قبل الأذان. .

*أمجد:*
   *يدق الباب*  اوووووه ..تعبت وانا أمشي سريع ..
هه امسكي الثلج ..

*الاخت:* أشبع به هذا الثلج لحالك .. ما شصلحش فانتوووو
*ثم ترم بالثلج لفوق أمجد.*

*مروان يحيى الشرعبي*