رحلة مع الاحزان
رحله جديده مع الاحزان وقت الغروب
غادر على متنها فرحي وجثمان ابي
والله لو كان عندي علم بعض الغيوب
لاعطيك عمري عطيه لين ترجع صبي
بين الدموع العصيه وانكسار القلوب
الوعي في حوزة الصدمات مسبي سبي
غفرانك الله ربي من كثير الذنوب
والعفو يارب عن كامل خطايا الأبي
الضيق لاحاصر الرجال من كل صوب
يواجه الضيق لو يحبي بسيفه حبي
بس المنايا خطيره وين منها الهروب
ماتقدر تصد عنها او تقول ارحبي
تجتاح لا درعمت مثل اجتياح الهبوب
حصاد الارواح مااستثنت لروح النبي
الحمد له قابل التوبه لمن جاء يتوب
والشكرله حق في ديني وفي مذهبي
خالد الخطاف الكميم
ليست هناك تعليقات:
إرسال تعليق
ادرج تعليقك في مجلة شعراء العرب