.وش.عااااد.نفسك.tt
من قبل لا صك باب العذر واترجّل
على دروب الـذهاب اللـي بلا عَوده
وش عاده اللي بنفسك نفعله نفعل
خلاص صبري تردّى وانكسر عُوده
والشِّعـر والنثر.. والاوراق والبركل
لمّت غمام السخا والبذل والجوده
والدمع والبوح..والوجدان والهيكل
تندب لحـالي مرارة نفس مكبوده
وش عاده اللي بنفسك قول وتْدلل
هل عـاد لك يا رشا غايات منشوده
ودك تضيف الملوحه في جروح اول
والا تزيد الجـوى طعنات مـعدوده
من قبل لا قول باب المهزله مقفـل
وطوي شتاتي..وداوي روح مقهـوده
واجمع حطام الكرامه وانْسِحب وارحل
وش عاد لك من برامج ذل مقصوده
-----------
شعر ✍🏼.جميل.ابوحمدين.tt
(رفيق القوافي)
.................. 2017/5/21م
ليست هناك تعليقات:
إرسال تعليق
ادرج تعليقك في مجلة شعراء العرب