السلام عليكم ورحمة الله وبركاته
(شباب اليوم)
عجبت من دفعه بالفين وعشرين
من جيل ماغير حق مشطه وتاله
ذي ضيعو دين الهدى والتقيين
وبدلوه في السمسره والجهاله
بنطال طيحني شياكه وتزيين
حتى الحلاقه للأسف والنذاله
سارو عبيد لبليس وعبد الشياطين
وقت الصلاه كنه غطس في رماله
اليوم مماشفت ومن واقع الحين
ماهي شهادة زور ولا فساله
ماقول إلا الحق وعندي مضامين
يشهد عليا الله مولا الجلاله
عادك في الوتس اب حلات تدشين
حالات غزل ومن يعلق ازاله
ون جيت تنصح طنشوك الملاعين
ولا حدى لنصح يسمع مقاله
يافاعلين حالات حزن يامحبين
هذه نصيحه بطلوهاالخباله
بيطرحو حالة عضيمه يبكين
من اجل كمن داشره اوحثاله
البعض عباله مزايا وتخزين
يرجع يراسل طولة الليل خلاله
وحين يكمل بالمزايا يروح وين
يشقي بحق الانتره جا بداله
ماالاكل هو آمن على ابوه بتامين
اهمشي حق البنات والجعاله
الهيم زاد فيهم وصارو مجانيين
وابليس اغويهم وصوب نباله
ابليس خلق من نار ونته من الطين
وهو بريئ منك اذا جاء سؤاله
اغويت نفسك ياكبير الهويين
انصح لنفسي والشباب في رساله
عن كل هذا شوف رايح إلى وين
يو اللقى في يد مولا العداله
يوم القيامه ونت واقف بثنتين
والكل ناضر وسط كشفه فعاله
في يوم لا اهلك معك او محبين
لا عاد تقول ورده ولا برتقاله
يوم تشخص الابصار ويتقطع الجين
مايرحمكش احد معك فالسلاله
وحيد وحدك في جوابك وبالسين
في يد رب الكون عاصيه جاله
سعيد من واصل مع الله وفي الدين
اما الشقي غبني عليه. كيف حاله
تندم على اوقات ضاعت مع الشين
مابش رجوع للأرض ولا وكاله
لاارتحت في الدنيا ولا افلحت يازين
شاقي معذب في الجحيم لا محاله
ونك من اهل الديين وضمن المصلين
نعيم ربي جنته والشرب صافي زلاله
ينالها اهل العباده والرشاد المحثين
دي كان تنافسهم في الدين بساله
ولآن من اف لادبم بعد شهرين
ذلحين مساجد فاضيه ناس كساله
الان شباب الفن عصر المغنين
صكو كلام الله وسمعو اصاااااله
القلب يقطر دم والدمع في العين
يارب دينك صار شي لا مباله
استغفر الله للسان زل قولين
يارب تهدي كل من مال حاله
والختم صلو عالنبي والصحآبين
يامن يصلي من رضى الله يناله
وتحياتي لكم
كلمات اخوكم زايد السماوي
اسال الله ان يهدي الجميع إلى مايحب ويرضى
هو الولي على ذالك والقادر عليه
🖊️💫💫💫💫💫💫✋
ليست هناك تعليقات:
إرسال تعليق
ادرج تعليقك في مجلة شعراء العرب