الصديق الحقيقي،،
الصديق الحقيقي نور عيني ودربي
هو ذراعي يميني والعضيد المثالي
كل ما اشكي همومي جا ويوقف بجنبي
يبعد الهم عني منه يرتاح بالي
محزمي في الشدايد هو مفرج لكربي
له معزه بقلبي وتاج راسي وغالي
كل ما غبت يسال وده ايعيش قربي
يا عسا والصديق ايدوم لي ابن الحلالي
الصداقه الاصيله قصر ما يخربي
والوفاء للصداقه من سمو المعالي
من يحافظ عليها العمر ما يتعبي
دام عنده صديقن مكسب وراس مالي
يا صديق الوفاء يا الخوي الابي
جعلك اتعيش طول العمر مرتاح سالي
ــــ مريم الهمداني ــــ
ليست هناك تعليقات:
إرسال تعليق
ادرج تعليقك في مجلة شعراء العرب