ليلي معا ليل الجروح من يساويه
لا شفت محبوبي ولا صوت نصحك
ولا لقيت للقلب من ذي يداويه
حزين ياليل الهوا وين فرحك
اسهر معا نجومك اراقب خطاويه
اجمع+ مع ضربك× واضرب بطرحك-
واقسم÷ على شعري وتعبير حكاويه
واليوم انا ياذيب شليت رمحك
وجيتك ونا ناصح وما تخيب هقاويه
لا ماقطع في الناس عيشك وملحك
ولا لقيت في شدتك من تخاويه
اصبر وخلي الحزن في وسط روحك
يكفي عرفت اللي تعدد !ملاويه
واحذر تبين للبشر يوم جرحك
تلقى جروحك وما تلاقي مداويه
بعض البشر في صوت حزنك بيضحك
والبعض ينقل فيك بعض التشاويه
اسامه الكلبي
ليست هناك تعليقات:
إرسال تعليق
ادرج تعليقك في مجلة شعراء العرب