✍️اقلام وطنية ✍️
البدع من النقيب محمد رزق ردمان
موجه للشاعر ابو حمزه ،جبر متاش
والشاعر ابو عزام ، محمد العيدروس
ومداخلة من الشاعر ابو. همام الطاهش
_________________________
في عالم الأحزان وأهوال المـواجع والفتــن
سحابة الأفكار هاجت مثلمـا مــوج البحــار
ها وين ابو حمزه وابو عزام شاعـرنا الفطــن
اصحاب صحبتهم شرف أيضاً وعزه وافتخار
نطلق عنان الابجـديــة وابتهالأت الشجـن
نسلط الاضواء على الأوضاع في هذا الحوار
ارى مصابيح الأمل طاحت وليل البـؤس جن
من يوم طاح الوعل وحنا في تساقط وانهيار
نامت أمانينا على حضن الماســي والمــحـن
في كهف، مابين التمـنـي والألــم والانـكسـار
وحــقــدنــا دمــر تـآلفنــا وشــوه بالــوطـن
وحول أحلام الإخاء أشـلاء باكـوام الدمــار
كيف ابتسم يا ذاالزمن والحزن فالأحشاسكن
والضيق طوقني وكدرخاطري والحمـل جـار
حالي بساحات المواجع والمآســي مرتهــن
مابين بطش الغول وأنياب الذيابــة والنمــار
وكل مـن جــاء يــدّعــي انــه امينــاً مــؤتمــن
والزور كامن فـي تفاصيــل القضيــة والقــرار
صار المرض بالفكر مؤلم فوق إيــلام البــدن
وصعب تطبيبــه اذا اتعـمــق وزاد الانتشــار
ماعد عرفنا من هو الصادق ونـاخذ شور مــن
والكل جانا مُدّعي حرصه بثــوب المستشــار
واليأس قد أستل سيفه في عزيمتنــا طعــن
وكيف من دون العزيمــة بايكــون الانتصــار
لازالت أوجاع العجاف السبع تمضي بالحــزن
والقافلة تاهت ولا ندري إلى ويــن. المســار
رعى الله ايام السعادة كيف كنتــي يا عــدن
وكيف كنتي ياربا صنعاء الحبيبة في ازدهـار
وكيف كانت لابتسامـة تغمر أقطاب اليمــن
والسعد والافراح يغزل مـن معالمهــا شعــار
واليوم مابين المواجــع والتطــرف والفتــن
اجراحنا تنزف وجمر الحـرب يتطايــر شــرار
من كثر مانا ابكي مـواجعهــا بســري والعلــن
جفت دموعي في ماقيها حزن والحمل جــار
✍️النقيب مــحمــد رزق ردمان
________________________
جواب👇 الشاعر ابو عزام محمد العيدروس
ولو قدالّب اللبيب احتار من جور الشجن
واضواءَ فكري خافتة في قلب عَجّات الغبار
وبحريَ المسجورمن جور العنا مدّه سكن
لكنّ يالبداع حرفك هيج امواجه وثار
لبّيه يالداعي هلا يامرحبا ماالمزن شن
وهاك (أيقونة)فرايدهامن اعماق المَحار
مهد العرب ياصاحبي ممهود بارجاس الخون
حالوه بغثان الحِما لـعـبة هوات الإتجار
عدّوافصول المسرحية باحترافيّة وفن
هذا يكِـر وذايفِـر وذاك يأوي للجـوار
الدم من هاماتنامسفوك بابخسها ثمن
ومارمى رامي جماجمناسوانا بالحجار
أكبرحكيم أفتى مساطيله بتمزيق البدن
وشيطنونا في مفاهيم الشياطن الكبار
عاثوا بناسبعة محاوِش عُوج من شعّب عَجن
تمزيق وحدتنا ولُحمتنا يسمّوه انتصار
الناس بالأمصار في بحبوحة العيش الحسن
تعايشوا فاصبح لهم بالكون قيمة واعتبار
تآلف المسلم مع الملحِد وعَـبَّادالـوثن
ولائـهم لأوطانهم ماهو لسوّاق القطار
واحناالذي كناملوك الأرض وارباب المِـهن
عُدنا لذيل القافلة زدناتقـهـقروانحسار
احنا الذي طه بعـثنا بالرسالة واءتمن
كنامشاعل للهداية في دياجيرالقِـفار
واليوم ليل الجاهليةفي ذُرى الإيمان جَن
حِدناعن الملة فدَب الشرفيناواستطار
ماضي ومستقبل بلدنا للعمالـة مرتهن
ومن تشبَّث بالأزِمّة دارفي ذاك المدار
لاطوّروا بنية ولاهم ثـبّـتوا أمن الوطن
{لوغاب وحي الذيل تاه السير واغتج المسار}
والشعب ذي تلقاه عايش طول عمره في وهَـن
من ضعف راعيه الذي لايمتلك صنع القرار
ذنوبـنا حاقـت بنا والله بـلانا بالـفـتن
ماشي لناالّا نرتضي حُكمه ونقبِل بانكسار
لعل له حِكمة خفِية من ورى كل المحن
وطيِّبات العيش بالدنيا مؤجلهاادّخار
ليوم فيه الوزن بالقسطاس والخافي علَن
وحينها نهنأ بجنة والرواعي في صَغـار
أمّاعلى بقعأ فماظني(وكُـلّي حسن ظن)
خابت أمانينا وملّينا تأمُّل وانتظار
ماعادفينانخوة(الكامل) وغِيرة (ذويزَن)
عَـزّالضميرالحي واصحابه من اوساط الديار
والختم دوِّن ببيت شاعرعاصراهوال الزمن
يصوّرالأحداث في الساحة بحِكنة واختصار
{إحنا كماسوط البلأ في يدّ نُعّــارالفِـتن
نجبُرجواميس الغِنى تغني هوامير القمار}
الشاعر ،أبو عزام محمد العيدروس
_________________________
جواب👇 الشاعر أبو حمزه جبر متاش
ياحمزه اين القات عد راسي من اوجاعه هدن
واستدعه اعيان القبيله نشتي استقبال حار
الضيف ذي جاء ضيف غالي لا ولا يمكن ولن
يوصل مقامه ضيف نفس الحجم أو نفس العيار
مرحب وحيا ياكبار القوم واقيال اليمن
حيا النقيب ردمان وحيا العيدروس ما الكون دار
حيا الرجال الثائرة والشاعره لأجل الوطن
مرحب رجاجيل البطوله والوغى والانتصار
بعد التمعن بالقوافي مابقى شي عن وعن
كلمه وماقد دونوها من يمين أو من يسار
كم نفتخر في وصلهم صح ألسنتهم والبدن
ذي جوا يفكوا في قوافيهم عن الشعب الحصار
وهمهم همي هو التفريج عن صنعاء عدن
وانا معاهم في دروب السير خاطي والشعار
الشعب هانوه السرق واهل المصالح والخون
باعوا اليمن تشليح يااصحابي مثل قطع الغيار
نصه يموت والنص الآخر بالمفارس والكفن
نحفر قبور البعض بايدينا ونرزم بالحجار
والفقر والجهل المخيف والجوع سيطر والوهن
وصادروا حق اليماني واليمن مثل الغبار
كنا وكان الشعب يوم كان الخليفه ذو يزن
يوم كان أمير المؤمين الحيدره في ذو الفقار
صيحت ياردمان قبلك صنَّج القوم الدرن
ومن سمع صوتي يأشر لي على مفتي الديار
ومنَّهم من كان يقل لي سوق بقعى بالفهن
ونار صنعاء كيفما هيه خير من جنة ذمار
ايش الخبر ياقوم قالوا جاء لها سيدي حسن
قفل ابوها ياولد ردمان في بنج الجهار
والعيدروس قال الحقيقه شعر أبو عزام فن
احنا بأزمه دينيه بحته وسيعة الانتشار
لا تسمعوا ثابت ولا صوت القطنه في جبن
ذي مادروا بالصاله الكبرى وتدمير المطار
كان المخطط فوق صالح واليدومي والمشن
وفوق اخو نوره وهادي ذي عصى امه زنجبار
البيت الابيض مصدر البلوى المدبَّر للعفن
وامة محمد في بقاع الأرض في حالة سكار
أمة محمد كل ابتهم ماعلى ابتهم ركن
لحقوا هوى أنفسهم ومن أجل المشاريع الصغار
ولا فليش الحلف الارعن والمصائب والمحن
وليش مريم دكدكت صنعاء وذا تقصف خدار
لاخير في الست الدويلات الخليجيه معاََ(ن)
مالوا بابتهم خير ين هم خارجوا اطفال الحجار
ومن يقول غير الحقيقه يا الله اجعل له لسن
يخرص ونسكه من جنانه والبلاوي والهدار
الغرب والخام الخليجي سعر لتره والجلن
راس البلاوي وبن سلمان الحمار ابن الحمار
وأرض اليمن رمز الاصاله والثقافه والسنن
مهما طغى الطاغي بداخلها ومهما الوقت جار
لابد من يوم ننتصر على العماله والهين
ذي دكوا البر الوسيع والجو كامل والبحار
الى هنا والعفو لاشي قاصره باعلن علن
والمعذره لاثنينكم طولت يا الناس الكبار
وبالاخير صلوا على احمد دائماً طول الزمن
صلوا عليه ما اتعاقب الليل البهيم هو والنهار
الشاعر ، أبو حمزه جبر متاش
_________________________
وهذي 👇مداخله من الشاعر ابو همام الطاهش
على نيـوب الفتـنه العميــاء ومشــــــروع الخــــــوَن
واســنان ساسـة شعبــنـا المقســــوم واضــــراس الجــــوار
وشرعـنة هـــادي وقــادات التـطـــــرف والفــتــــن
نامـت أمانيـنـا زنـيـحـه واســدلت ثـــوب الحـــــوار
وفــزت أعينـنا على مشـــروع تقســيـــم اليـمــــن
مابين أصحـاب اليميـــن اليــوم واصـحـاب اليـسار
واتمزقــت فيـنا حبـــال الـــود من قـــــادم زمـــن
والمذهبـيـــه دخلتــنـا كلنـــا حــجــر الحــمــــــار
وابناءهـا الخمـــسـه تطعفـر شمــلـهـا كيــــفه لمــن
والكل يخــدم شـارب الخمـــره ولـعّــاب القــمــار
وانقضـت اصحاب المصالـح بعــد تمزيــق الوطـــن
وكل من حــدد لسكــينـه وسيـــفـه ذو الـــفـقــار
لجل اقتسـام الكعـكـه الحــمــراء ســوى بيــن الكــهــن
وصاحـب أبيـــن عمـر البنــدق على صاحــب ذمـار
واليافعي كشــر نيـوبه يلتهــم صـــــاحـب جبـــــن
وصاحـب الجوبـــه وضــع نقطــة على صـاحب عـفـار
وكل من دولـه علـى الثـــاني عجنهـا ذي عــجــن
ولحـج دولـه مستـــقلــه عن حكومــــة زنجــبــار
وصاحب القـــفر الابيــه حـــد خنـٕجـر للـمــسٕــن
وصاحب الرضمـه فــعل له سجن لاصـحاب الصُبــار
والسامـري ذي ظل قومــه عطــف ادوانـه وحــــن
والشعب حاضـن عجلــه. المخبـــول فــارح بالخــــوار
والجــرح ذي تارك حوافيـــره على الوجــه الحســـن
أدما من الباطــل وعـــزز نارها ديـــــزل ونــــار
والغبــــن إيقونـه وخلفيـــه على حُمــر الوجـــــن
ينتابـها الفوضـى وتهمــيـــش الاكابـر للصـغـــار
والعاصـمه صنـعا يغازل بعلــهـــا بنــــــدر عـــدن
والحالمــه تذرف دمـوع الحــزن من تحـت الخمـــار
والجــوع ينخـر عظمهــا الموقـوز واشتـــاح البـــدن
والجهـل ينهـش ناصيتـهـا والمجــاعـه والحـصــار
والناقـة الجــرباء تخـثــــر. في براثنــهــا اللبـــن
والسل يغزيهـا من الاطـــراف واعمــاهــا الشــجار
والهم يكســوها وتقـــرأ من ملامـحـهــا الحـــــزن
وخنــجر الفتنـــه تنصـف نحــرهـــا والــدم طٕـــار
والأُبهــه يشــرب لبنـهـا والغبــــي يدفـــع ثـمــــن
حِكاكهــا هذا حقيـقــه واضـحه وضــح النــهـــار
والثلــة الحمــقا ذي اتغـــذت على خيـــر الوطــن
واصـحاب نوفمبـيك واصحــاب الـحقـايـب والقـــرار
ماتت ضمــايرهــم هنـيــه واكلــهم سلـوى ومـــن
والشعب يستـجـدي من القاتـل علاجــه والســبـــار
واحنــا على شبــابـة الراعــي وتمــديـــد الـهـــدن
واعــادة. اوراق التمـوضـــع للقـــوى والانتـشـــار
نضحـك على انفسـنا ونستعـقـد بتخـدير الحـقـــن
والجـرح مستشــري ولا نمــلك لتطبـيبـــه خيـــــار
والطـفل ذي يولــد معـبــى فـل من رحـم المـحــــن
موجـه البـنـدق على امريكا ويصـــرخ بالشـــعــار
في يد حامل حلــمـه المأمـــول و الاخــرى كفــــن
والموت تحت العــز راحــه والمــذله الـــف عــــار
✍️الشاعر ابو همــام الطاهــش
ليست هناك تعليقات:
إرسال تعليق
ادرج تعليقك في مجلة شعراء العرب