💞💞💞💝🌹💝💞💞💞
لا بنت عمي جالسه بجواري
ما افكر الا كيف اخزن وارتاح
وان غيبت ساعه طلع بوساري
ما تسمع الا النرفزه والصياح
والشوق يعصرني وتلهب ناري
وموجة الرغبه لقلبي تجتاح
ما انا بهذا الحب ما اناش داري
قضيته تشبه معارك صرواح
اعوام خمسه جالسه معكاري
ولا نتيجه يا عكير النطاح
وانــا مثلهــا هكــذا مشــواري
ما بش معي من عشقي الا القراح
ما من سمعني حين اقول اشعاري
يقول ما هذا بعشقه نصاح
ما هوش داري في خفايا اسراري
عاشق ولكن مثل سارق مزاح
في يوم بنت العم توصل داري
من بيتهم لا جات ناكل تفاح
يومين ثلاثه واكتسر منقاري
اهوى بلهوى وايش بعد التشاح
ههههههههههه😉😂😉😂😉😂
------------ابو خطاب العسل------------
💞💞💞💝🌹💝💞💞💞
رديت يوم شفت ااالكتابه جاري
ومتصل حرفك لوضعك شراح
قطفت حرف االشعر من ازهاري
وهاجسي بالحب ضلى مسراح
كنه حوارك يااا صديق حواري
ومن رسب ماعاد يفيده صحصااااح
ان غبت يدي لي حضور اجباري
وعسكري يدي بحالي شلباح
الشوق في قلبي بي رقص ساري
والخل في قلبي مهيص مرتاح
داري وحبي في عروقي جاااري
وقلبي المسكين يعشق فلاح
عشرين سنه واسئل علياااا جاري
كيف الخبر وحكم وانت الرجاح
خلي رجع صيني وكان هنقاري
خارب ويشتي كل ساعه صلاح
يشتي مقاضي من شميله هاري
ونا محيرف لاضمار لا اربااااح
قصدة باني مثلما ااااااالحباري
نهر الزلط عندي وهو يا شلاح
من شافني هنا وقال بي جاري
ونا بنسمع صوت كلبي نبااااح
ابوعبدالسلام
توفيق الخلقي
ليست هناك تعليقات:
إرسال تعليق
ادرج تعليقك في مجلة شعراء العرب