قصيده عن الاصدقاء وكل واحد يعرف مكانه فين
قوة القوه
✍🏻الشاعرابوريدان الشرعبي
قالو وحيد قولت الحبايب كثيرين
والاصدقاء عندي يصعب عددهم
تقدر تقدرهم الفين وعشرين
وساعهم قول رحمة الله عليهم
مادريش حضي كيف يموتو الوفيين
ويبقو الذي ماقدر اقول شي فيهم
باقي من الوافين اثنين مساجين
والباقيين موجود ذلحين معاهم
واثنين في دنياء المحبه مجانين
رغم الوضوح محد بغيري قراهم
واربعه فيهم من الطيب والين
الله يسدد في السعاده خطاهم
واثنين مثلي يعشقون المزايين
والحب في الدنياء منور سماهم
لحنتهم بهاجس الشعر تلحين
يعجبني اسمع من قصيدي غناهم
واثنين بعد العيد كانو حراوين
اشتاقهم واشتاق اجلس معاهم
واثنين في قلبي واثنين بالعين
واثنين ماء اقدر اوصف غلاهم
واثنين شجعان بارزين في الميادين
من العداء عايش انافي حماهم
واثنين خون واثنين بالصدق وافين
واثنين متشكر صراحه وفاهم
واثنين عندي دولتي والصلاطين
كل ما اظلمت اشكي همومي اليهم
واثنين لي منهم يقارب لعامين
بعد الفراق مادريش ايش حل فيهم
واثنين اعوذ بله عليهم من اثنين
زي ما تقولو لعنة الله عليهم
يبينو لي انهم ناس مساكين
اقسمت بلله ماعد امشي وراهم
✍🏻الشاعرابوريدان الشرعبي
🌧🌧🌧🌧🌧🌧
ليست هناك تعليقات:
إرسال تعليق
ادرج تعليقك في مجلة شعراء العرب