الضحكة الباهتة. بقلم الزاجله المغربيه فاطنه جليدي

ياك ياالضحكة الباهتة ابغيت نعالج بيك هم الخاطر القيتك حوازة علقليب تجي وتمشي موجة ابﻻ اعبار فسوق لمساومة عييت امعاك لالة اهنا و السر الهيه تحطي ارسامك أعلى وجهي ،انgآب والعبن ترسمك نغطي بيك أعلى gايلت لغبيتة غيرgري يا يامي ياللي نستناها نعيش فيها وامعاها أنت ديالي ومني مgلوعة بعد بعد يااعجاج الويل ماخليتي رحمة بين اخليل واخليل اعشقت ضحكة صافية بالفرحة وافية ماها رقراق من ثلج ابيض يواسيتي من نار اجفا مليت اقنعة حاملاها لوجوه لابسها حتى لخو في وجه خوه السن يضحك للسن والgلب فيه الخديعة والصدق ارحل وحتى لوفا لكثير بعدو منو وهجروه ايييه ياالضحكة الباهتة ياأاللي من الفرحة شاحتا لوجوه منك ولات قزدير ماتعرف اهنا ما تحس لخير عود الطمع حران يشكح اللي ألبس الكتان يبري علحرير أنا فعار ضحكة من ادواخلي مع وجوه اعشقتها وساكناني عمرت الحملة ورغنو لحقاد وفامجامر الحال طلقو بخوراضغينة كلا يgول مال سعدي واش هذي اعوينة ولا ساحور لا هذا ولا ذاك رد بالك يا هذاك الضحكة الصافية من لgلب عنوان لخاوة تعطي للعشرة احلاوة بلا زواق بلا انفاق بلا أحسد بلا اعداوة نرجعو للأخلاق نتوكلو على الرازق ترجع روحنا فينا نرفضو الضحكة الباهتة من باسها تروينا يا الضحكة الصافية احنا فعارك من شمسك الضاوية طلي اعلينا ض11 1