مساجلة جديدة جمعت الشعراء الكبار
الباهوت/هلال المرادي
ابونشوان ناجي نشوان
ابوهمام صالح السلال
ابوماهر محمود مزروع
اولاً قصيدة ابونشوان👇👇
يا قابلي بلغ السلال غدوه يبكر
بجعبته والسلاح
يقود حمله علي ابوزيد بس الخبر سر
يدخل ذمار الصباح
مواقعه في المدينه لا وصلها يدمر
ويكتسحها اكتساح
هو با يقاوم كما نا عارفه شخص مدبر
ادمن علي قاح قاح
قد له سنه خارج المله وداخل يعسكر
مدبر يحب الصياح
ياقايد الحمله ازهم للجباحر وجبحر
هجوم للضاو لاح
ان امتسك وان ماشي كسر لا عاد يجبر
وقصقصوا له جناح
ماالقتل لا تقتلوا رجال يعرف .وينكر
حتي لو احنا قباح
اعطوه مهله كما هو بعض الاوقات يسبر
يقع دواء للجراح
اهم شي يعترف بالحق لا عاد ينكر
يبصم وما راح راح
ذمار حق الحدا نبيحها احنا ونحجر
مسقي ﺟﺮﺑﻨﺎ ﺍﻟﻔﺴﺎﺡ
نشوان جدي سكن هران والعين تنظر
من ماريه لاملاح
ماقد تحاكيت وانته ذي تبيع وتعمر
اظنه الحق ﺻﺎﺡ
***************
تعقيب ابوهمام *قايد الحملة* 😉😅👇👇
أبو وفاء قال قد خيّلت ناهض مثوّر
هل المطر والرياح
الليل هاتو لي الجيب الجديد المكوّر
ذا الحين وقت الفلاح
أبدي على صاحبي واقله اش ذي يدوّر
ليش الصياح واللياح
إن قد وصلنا على الظاهر وناجي مغيّر
فللكلام اقتراح
كم ناس ذي قد عرفنا مثله اعوج ويسبر
مانشتي الا الصلاح
وان قد وصلنا وابو نشوان مغلوب يبشر
الجِد غير المزاح
بااقودها بس هو يفزع معانا ويحضر
من غاب راسه مباح
ياذاك مادام والمونه معيا مؤشر
مااهم وقت النطاح
وبندقي تقنص الرامي وعاده مشبّر
إف إن سيد الملاح
نوصل ذمار المدينه بالحرس والمصوّر
نستل ر من زمانوس الرماح
على المرادي عزمنا جر ياجيشنا جر
يااهل العقول الرجاح
قلو لابو زيد لحضه بس لاقد يحنتر 😅
بانبتدي بالصفاح
فرصة لقاء قد تواجهنا نسولف ونسمر
ياعطر له شم فاح
😅😅
*************
تعقيب ابوماهر محمود مزروع👇
قلو لنشوان ابو نشوان لابد يصبر،
الوضع يشتي كفاح،
وابو وفاء هو نسيبي باامسكه قبل يصدر،،،
يصدر قرار اجتياح،،،
مادام هو قايد الحمله قل الله يستر،،،
يرمي بنا لا الضياح،،،
ماشي ملامه على ناجي ولو جا محشر،،،
خزن بعودي كلاح،،
والا متى القات حالي ذي يبلبل ويسمر،،،
يسعى بشور الصلاح،،،،
ناجي وفي لكن الراعي ذي القاه يكبر،،
واستل سيف النجاح
************
جواب *الباهوت* هلال المرادي👇
*******
من عسكرةت صالح السلال يا ربي استر
لٱ يكتسر ڵـهٍ صُماح
و موتره لٱ يبكر راس يسلح مبنشر
يقطع عليه المناح
علـّۓ الدلا والرويدا يا عساكير جحدر
لٱ تطحسوا في الدحاح
وبدلوا من سريعاً مَرْش لٱ عادةن سر
الوقت عاده متاح
والاخ ناجي قلوا ڵـهٍ لٱ يقع شي يخدر
ويقوم وسط الرياح
انا اعرفه لَـ اصترع بالريح يمسي يهستر
يحتك مثل الرُّباح🤣
ويقوم من قاع حزيز لا شميلة يمَشْوِر
لاما يجيه الكساح
وانه في البيت ظلا خول نفسه يحمدر
من غرفته للصواح😅
يا ناجي اسمع خبر محمود لا قال وخِّر
وخر وخف الرشاح
و قِـر لا قال يا ناطح هلال السما قِـر
ما بك سخا للنطاح😜
محمود رجال عاقل خايف انك تورور
من راس عالي ضياح
ڵـڱ تسعه اعوام محكومات وانته تثرثر
م̷ـــِْن يوم ثورة سجاح
م̷ـــِْن يوم كنته تبكر شق صعتر تصعتر
في حي باب السباح 🤣
والليل في شارع الستين تمسه تصور
مخلعات الطراح😅
كفَّرت شعبك وءامنته بدين المكفر
ذي باعه الله وباح
ذي خرجه عبده الحوثي من البيت مغبر
وفك صنعاء بياح
ومسيلمه بالمطبل جا وجا بالمزمر
روَّح سجاح السياح
وامسى بغرفة نبيتكم مشيش معمر
يكب ابوها سفاح😂😜
لَـ انتوا نجحتوا وحصلتوا لصنعاء محرر
ولا لقيَّت نجاح
وعاد ڵـڱ وجه يا ناجي محمد تبهرر!!
وتهز سيف الوشاح!!😉
قوم اختمد قبل ما اقوم ارجزك بالمكبر
مرجاز راس القناح😅
ذمار م̷ـــِْن عنس وينك منها يا مدغمر
ويني عدن م̷ـــِْن صباح
م̷ـــِْن قد خرج منها ما يدخل الا مؤشر
مني بفيزة سماح
خيره عليك اطرح البوقه وقل يا ميسِّر
واصبِح وقل يا صباح
و عالنبي صل م̷ـــِْن صلى علـّۓ خير منذر
يابو عناد استراح
.😂😂🤣🤣
ديوان الشعراء
قصائد. ومجاراة شعرية. للشعراء الاحرار
https://t.me/Dewanalshoara
للاشتراك اضغط الرابط👆مساجلة جديدة جمعت الشعراء الكبار
الباهوت/هلال المرادي
ابونشوان ناجي نشوان
ابوهمام صالح السلال
ابوماهر محمود مزروع
اولاً قصيدة ابونشوان👇👇
يا قابلي بلغ السلال غدوه يبكر
بجعبته والسلاح
يقود حمله علي ابوزيد بس الخبر سر
يدخل ذمار الصباح
مواقعه في المدينه لا وصلها يدمر
ويكتسحها اكتساح
هو با يقاوم كما نا عارفه شخص مدبر
ادمن علي قاح قاح
قد له سنه خارج المله وداخل يعسكر
مدبر يحب الصياح
ياقايد الحمله ازهم للجباحر وجبحر
هجوم للضاو لاح
ان امتسك وان ماشي كسر لا عاد يجبر
وقصقصوا له جناح
ماالقتل لا تقتلوا رجال يعرف .وينكر
حتي لو احنا قباح
اعطوه مهله كما هو بعض الاوقات يسبر
يقع دواء للجراح
اهم شي يعترف بالحق لا عاد ينكر
يبصم وما راح راح
ذمار حق الحدا نبيحها احنا ونحجر
مسقي ﺟﺮﺑﻨﺎ ﺍﻟﻔﺴﺎﺡ
نشوان جدي سكن هران والعين تنظر
من ماريه لاملاح
ماقد تحاكيت وانته ذي تبيع وتعمر
اظنه الحق ﺻﺎﺡ
***************
تعقيب ابوهمام *قايد الحملة* 😉😅👇👇
أبو وفاء قال قد خيّلت ناهض مثوّر
هل المطر والرياح
الليل هاتو لي الجيب الجديد المكوّر
ذا الحين وقت الفلاح
أبدي على صاحبي واقله اش ذي يدوّر
ليش الصياح واللياح
إن قد وصلنا على الظاهر وناجي مغيّر
فللكلام اقتراح
كم ناس ذي قد عرفنا مثله اعوج ويسبر
مانشتي الا الصلاح
وان قد وصلنا وابو نشوان مغلوب يبشر
الجِد غير المزاح
بااقودها بس هو يفزع معانا ويحضر
من غاب راسه مباح
ياذاك مادام والمونه معيا مؤشر
مااهم وقت النطاح
وبندقي تقنص الرامي وعاده مشبّر
إف إن سيد الملاح
نوصل ذمار المدينه بالحرس والمصوّر
نستل ر من زمانوس الرماح
على المرادي عزمنا جر ياجيشنا جر
يااهل العقول الرجاح
قلو لابو زيد لحضه بس لاقد يحنتر 😅
بانبتدي بالصفاح
فرصة لقاء قد تواجهنا نسولف ونسمر
ياعطر له شم فاح
😅😅
*************
تعقيب ابوماهر محمود مزروع👇
قلو لنشوان ابو نشوان لابد يصبر،
الوضع يشتي كفاح،
وابو وفاء هو نسيبي باامسكه قبل يصدر،،،
يصدر قرار اجتياح،،،
مادام هو قايد الحمله قل الله يستر،،،
يرمي بنا لا الضياح،،،
ماشي ملامه على ناجي ولو جا محشر،،،
خزن بعودي كلاح،،
والا متى القات حالي ذي يبلبل ويسمر،،،
يسعى بشور الصلاح،،،،
ناجي وفي لكن الراعي ذي القاه يكبر،،
واستل سيف النجاح
************
جواب *الباهوت* هلال المرادي👇
*******
من عسكرةت صالح السلال يا ربي استر
لٱ يكتسر ڵـهٍ صُماح
و موتره لٱ يبكر راس يسلح مبنشر
يقطع عليه المناح
علـّۓ الدلا والرويدا يا عساكير جحدر
لٱ تطحسوا في الدحاح
وبدلوا من سريعاً مَرْش لٱ عادةن سر
الوقت عاده متاح
والاخ ناجي قلوا ڵـهٍ لٱ يقع شي يخدر
ويقوم وسط الرياح
انا اعرفه لَـ اصترع بالريح يمسي يهستر
يحتك مثل الرُّباح🤣
ويقوم من قاع حزيز لا شميلة يمَشْوِر
لاما يجيه الكساح
وانه في البيت ظلا خول نفسه يحمدر
من غرفته للصواح😅
يا ناجي اسمع خبر محمود لا قال وخِّر
وخر وخف الرشاح
و قِـر لا قال يا ناطح هلال السما قِـر
ما بك سخا للنطاح😜
محمود رجال عاقل خايف انك تورور
من راس عالي ضياح
ڵـڱ تسعه اعوام محكومات وانته تثرثر
م̷ـــِْن يوم ثورة سجاح
م̷ـــِْن يوم كنته تبكر شق صعتر تصعتر
في حي باب السباح 🤣
والليل في شارع الستين تمسه تصور
مخلعات الطراح😅
كفَّرت شعبك وءامنته بدين المكفر
ذي باعه الله وباح
ذي خرجه عبده الحوثي من البيت مغبر
وفك صنعاء بياح
ومسيلمه بالمطبل جا وجا بالمزمر
روَّح سجاح السياح
وامسى بغرفة نبيتكم مشيش معمر
يكب ابوها سفاح😂😜
لَـ انتوا نجحتوا وحصلتوا لصنعاء محرر
ولا لقيَّت نجاح
وعاد ڵـڱ وجه يا ناجي محمد تبهرر!!
وتهز سيف الوشاح!!😉
قوم اختمد قبل ما اقوم ارجزك بالمكبر
مرجاز راس القناح😅
ذمار م̷ـــِْن عنس وينك منها يا مدغمر
ويني عدن م̷ـــِْن صباح
م̷ـــِْن قد خرج منها ما يدخل الا مؤشر
مني بفيزة سماح
خيره عليك اطرح البوقه وقل يا ميسِّر
واصبِح وقل يا صباح
و عالنبي صل م̷ـــِْن صلى علـّۓ خير منذر
يابو عناد استراح
.😂😂🤣🤣
ديوان الشعراء
قصائد. ومجاراة شعرية. للشعراء الاحرار
https://t.me/Dewanalshoara
للاشتراك اضغط الرابط👆
ليست هناك تعليقات:
إرسال تعليق
ادرج تعليقك في مجلة شعراء العرب