ماعد بقي حل قدامي
الا فراقك وانا مجبور
ما دام لا ترحم آلآمي
او يوجعك خاطري المكسور
وما دمت متجاهل احلامي
مثل الحجر دون اي شعور
وعن صافي الود متعامي
واصبح جميلي معك منكور
كم عشت مخدوع بوهامي
مغشوش بالفالصو والزور
اجمل زماني وايامي
ضاعت وانا مثلما المسحور
لا ابصر يماني ولا شامي
مثلك ولا ابصر بنات الحور
وانته ترى جرحي الدامي
ينزف امامك ثمان شهور
مارق قلبك وانا ضامي
بالصد يافاتني منحور
ويا للأسف قول لوامي
كله طلع صدق يا أمور
كم كنت في عشقتك عامي
واليوم شافت عيوني النور
ربي معك حارس وحامي
وعن ما فعلته بنا مشكور
بدعس على الشوك باقدامي
حافي وبرحل ولا ذا الجور
بقلم الشاعر عمرسليمان المعزبي.
ليست هناك تعليقات:
إرسال تعليق
ادرج تعليقك في مجلة شعراء العرب