ياهاجسـي لا بـد لك مـــن صــــوله
ولــو قـــدك فـي وضع حالك تاعب
سـلم علـى الصـاحب ومنهم حـوله
وعـمـل معاهـم كـــــل ماهو واجب
ســلام ينـشـــر فـي جـهـاز الــدوله
وفالصحف حسب السنن والصايب
قـال ابـن حيـدر ذي ينضــــم قُـوله
ياهــــــل البـلـد مـن مـنكم با عاتب
لا عـــــاد فـيـنـا قــبـيـله مـقـبـولــه
ولا بقــا صــاحـب يســـاند صـاحب
صُحــبت مصـــــالح من لعب دقوله
حُـمـي عـلى الرقــاص هـو واللاعب
عـهـد الـمـصـالـح قــد بداء مفعوله
حــــــــاسب عليا يا فؤادي حاسب
كـليـن يـرتب كـلمـتـيـن مـعســولـه
من خارجه يضحك وداخل غاضب
والـمـسـئـلـه ماضـنـهـا مـحـــلـولــه
مــــا دام والمحـصـــول كله خارب
مــا كـنـت اضـن القـبـيـلـه معلـوله
ولا حســبت ان المـُؤمـــل حـــانب
كـــانت حـيـاتي للصُـحــب مبذول
ومــن قصـــدني شــل ماهو طالب
حتى اصبحت نفسي معي مقتوله
ومـــوجـبـي يـرجـــع عليا ســـالب
صــــارت جـهــودي كـلـهـا مشلوله
خــابت ومــن أمـــل عليـها خايب
والـجـيـد نـادر فـي زمــان العــوله
نفســي فـــداله وقت مـاهو راغب
جنبه لو احمل مثـل حـمـل الكـوله
دام الجـمـيـل مـاكـان عنـده ذاهب
ومـــن مـعـا الصـحابه يلف الجوله
هــذا في الصُـحـبـه يسـمى راسب
حتــى ولـو يـعـجـبـك ضـاهر قوله
لـو دق وقـت الصــدق يبقى غايب
اقســـــــم بربـي ما يســـاوي ذوله
حـمـي عـلى التـاله وحـُمى الشارب
💧💧 عـمـار اريـمـه💧💧
ليست هناك تعليقات:
إرسال تعليق
ادرج تعليقك في مجلة شعراء العرب