👇👇👇👇👇👇👇
ابو شوقي عليك يالله توكل
وانت يالله حسبي واتكالي
ومن يمسك بحبلك مابيفشل
ومن عارض مصيره للزوالي
وابو شوقي رفع يده توسل
اليك ياربنا ياذو الجلالي
فقولي والعمل عندك مسجل
وكتاب في يميني والشمالي
اسالك نجنا من نار تشعل
رضاك والفوز في يوم السؤالي
وبعد الكيف قد ذا الهاجس اقبل
وبنت الفكر تتراقص قبالي
وابكار المعاني جات تسأل
وقالت هيت لك حقق منالي
تفضل ضمني لاعاد تخجل
انا لك انت بس اطلب وصالي
وبنت العقل تسقيني معسل
تغني لي ليالي يا ليالي
بنات الصدر منها العقل مختل
وبنت الليل بتشوش خيالي
وبنت العين منها ثوبي ابتل
وبنت الليل كم تسعد خيالي
ابوك ياشوق في الدنياء تبهذل
الا ياليت تتفهم مقالي
انا مسجون في محور مقفل
الا ياليت تعلم ما جرى لي
انا حزني وسط قلبي توغل
انا محروم من حقي ومالي
انا في ارض السعيده شبه محتل
مواطن وحدوي فكري وبالي
فماهميت من في الوجه جامل
ولا من ضم او سربل قبالي
ولا هميت من في الناس يفسل
ولا انسان للأعداء موالي
فكم ياناس للقرآن رتل
ويسلك دآئمآ درب الضلالي
فمهما الليل بالظلمات طول
فيطلع بعده الضوء المثالي
انا ياناس همي شعب يقتل
فقولو لي على ماذا قتالي
فكم قد لي وانا ادور على حل
ولاجله قد بذلنا كل غالي
وياقاري قوافيها تأمل
وصلي عالنبي بدر الكمالي
صلاتي تبلغك ياخير مرسل
صلاه توزن حصاها والرمالي
ابو شوقي العليي
ليست هناك تعليقات:
إرسال تعليق
ادرج تعليقك في مجلة شعراء العرب