تحت عنوان
*ياجمل.من.هويت*
يامنات الروح ياجمل من هويت
وانت وحدك من علا قلبي يمون
اطلب أأمر ماخطر لك واشتهيت
لو طلبت الروح من أجلك تهون
ياكحيل الطرف منك مارتويت
هام حسي فيك يانور العيون
بعت كل الكون لجلك واشتريت
من علا قلبي شفى كل الغبون
ايه وربي لو نساني مانسيت
وانت خلي مااقبل بغير يكون
انت في قلبي زرعتك وارتعيت
وانت وحدك من سكن تحت الجفون
اسأل الله الكريم وله دعيت
ان يخلي صاحب القلب الحنون
مانويت اقبل بغيرك مانويت
وان نويت اسأل من الله مايكون
عهد لك يازين لو حتى انتهيت
مااخونك انت يافن الفنون
ابو حكيم القنب ✍️ 🤟
ليست هناك تعليقات:
إرسال تعليق
ادرج تعليقك في مجلة شعراء العرب