عيدياااات بقلم الشاعر ابو ماجد البخيتي

🕊عـيـديـااااات🕊

عــ🌹ــيــد كــم مــ🌹ــبـارك

ياطير شل التهانـي في ظـروف الـود
معطـره باحتـرام الـروح من عـوده

في ريشك الذوق ياابوريش ياهدهـد
لكل غالـي تهاني العيـد مـوروده

من زهـر روضـه لها ريحـان متجـدد
واعزف مع الود ياطيرالسماءانشـوده

أسويـت للـود قلعـه والغلاء مسجـد
صلى به الـروح والركعـات محمـوده

زرع المكـارم فضيله راويـه من سـد
دام المـحـبـه لـخلـق الله ممـدوده

صباح نسمـة سكينـه عطـرها بـارد
تتخلج الروح معنيه ومقصـوده

تبلسم اجراح نبـض والروح والناهـِد
واطفت لهيـب الحشـاء مـن غي باروده

إبليـس قـدزاغ منها وانتحى شـارد
من بعد ماالذكر فتفت عظم نمـروده

مدالجناحين ياابوالريش الاشهب مـد
واتصفح الصبـح واقـرأ تمتمة نـوده

حكايـة اسـرار تسحـر كـل مترصـد
مـادام سبـح لـرب الكـون معبـوده

بلابل الروض فـي رب السماء تنشـد
معزوفـة الحـان سيمفونيـة الجـوده

والغصـن يـهتـز للـرحمـن متعبـد
يستغفر الله بارمـاش الزهَـر زوده

والحوت في البحر متشكـر ومتحمـد
والوحش والطيـر كلاً بـان مجهـوده

كل الخلائـق تجهـز زاد يـوم الجِـد
في يوم كل الطرق جمراء ومسـدوده

الا لمن هو علـى درب العمرزاهـد
واحمال عيره بزهب الفرض مشـدوده

ياصاح شد المحاسـن والمكارم شـد
ترى يجي يـوم فيـه الناس محشـوده

كليـن منا علـى جمـراللظاء وارد
ماغيـر ذي هو مع الله نبض مردوده

دنيـا غـروره تشـل الـروح والساعـد
فيها ابـن آدم وليمـة ضيـف للـدوده

🕊🍃🕊🍃🕊🍃🕊🍃

أبـومـاجـدالبخيـتي