#قصيدة بعنوان #الصحب# بقلم شمسان الجهيزي#
علامة جودة الكذاب مطبوعه على خده
جليه في عيون الصدق والكاذب يرى بالكاد
لإن الصدق له عيين مثل الصقر في حده
وعين الكاذب اقصر من جراده ماترى الصياد
رمادي بنثره بعدالمجامل تف لاعاده ولارده
ولا رواني الله صورته في صدفه أو ميعاد
أنا لاصاحبي كذاب لا حزب به ولا عده
ولا لي ضن به مادام صاحب يتقن القلاد
وانا لاصاحبي رجال يبشر بايش مابده
ولوله من دمي والروح مطلب قلت انا سداد
وبأول صوت يالباه دقايق وأننا عنده
نرد الخصم لوماعاد من عوادنا عواد
ومن يشتيني اعمل ايش مايشتي ومابده
نسوقه لاطبيب العين يوزن عنده الابعاد
أنا يوم اسمع المغرور تطلع عندي المعده
ويأتيني مية حاقن يقددها ميت قداد
كريه الطبع والطابع خصيمي يوم انا نده
لانه يحمل البغضاء وقلبه محتشي باحقاد
صغير العقل يالعقال يشوف إنما حدا قده
وذي مابه ثقه يبحث لمن يطريه بالمجاد
وصياد الوفاء يبقى مقص الحق في زنده
وشرالخلق يلقى الحق واقف له على المرصاد
ليست هناك تعليقات:
إرسال تعليق
ادرج تعليقك في مجلة شعراء العرب