ما ورطت الشعب مابـش مـثلها ورطه
دبـور حـلـّق عـلـيــنـا بالــيـمــن كامــل
مانـا من الوضـع هـاذا قد معي جـلطه
وعـظـمي اصـبح مـهشّم منكسر خاذل
قـلـدكم الله عـد بـه حُـكـم او سـلطـه
والا قــوانـيــن والا بـــه رَجُــل عـادل
والا حـكـومـات تـفـعـل لليمـن نـهـضه
والا وزارات تــكـفـل من يَـكُـن عاطـل
حـكـومـتـيـن في بـلادي كُـلـها عرطـه
تـغــدّنا الـظُّـهْر صـرخه والعشـاء زامل
والثـانـيـه حـق صـيـاح مـثلـما البـطّـه
ساعـه يـجـو طـلع سـاعه يـنـزلو نـازل
وذاك مُـشـرف مـهـوك نـخـطتة نخطـه
مـعـشّق الشـاص حـامل بـُندقه واصـل
وذاك قـاتـه مـخـصص كُل سـاع ربطه
والشّعب مـسكين يـرحـم مالقـي ياكل
وشـرعـيـه مـكنـتـنا كُل سـاع خـرطـه
يـتـقدمو يـُوم ويـوميـن يطلعو فاصل
ويـُوم تـنـبـع تـحــرر لا وسـط صـعده
ويــوم تـحـلــف بأنــه حـــررت باجـل
واربـع مـئَة أَلْـف جندي مـات بالفرظه
واربع مـئة أَلْـف جندي مـات بالساحل
واربــع مـئَـة أَلْـف ردو دمـهــم شـطـه
واربع مـئَـة الـف اصـبح دمّـهـم سايل
وكُل شـامخ مـناضل جـزعـوه غـلطـه
ويـلـعـبـو في يــمنـّا مـثـلـمـا الجـاهـل
واحـد طـلع فـار وواحد طـلعوه قـطّه
وتُـم وجـيري تشاهد في عراك واصل
حتـى قـد ابليس يحلف ما فعل خطّه
ولا تـدخّــل ولا هــو بالـيـمــن داخــل
ولا فـعـل شـي ولا ركـظــه ولا زبـطــه
ويـحـلـف ايـمـان انه بــيــنـنا الـعـاقـل
تـحـصـل الشـيخ قـاتل ضابط الشُرطه
ويـفــتــخــر يا جــمـاعه انّــهــو قـاتـل
وذي بـيـحكـم تـخـرج من على بسـطه
وكُـل هــاذا اذ كــان الرئـيـس فـاشـــل
هـيا امـانـه تحـاكو كـيـف ذي الـورطـه
قــلـدكــم الله ما هــــاذا قـــدو باطــل
فِي كُـل شـارع تـحـصل اربـعيـن نقطه
ووضـعـنا زفـت بالـخـارج وبالــداخــل
#كلـمات_الـشـاعر_معـين_المـختاري
حقوق النشر محفوظه 9/7/2019
ليست هناك تعليقات:
إرسال تعليق
ادرج تعليقك في مجلة شعراء العرب