طـبع العمالـه رذيـله والخيانـه مـرض
والخايـن المـرتزق إنسـان هـيّـن مـريـض
قـد مستـوى العـز والنامـوس فيه أنخفـض
على فـراش الهيانـه والمـذلّـه يحـيض
لـديه دم الحميّـه قـد جمـد وانقـرض
وصـار إنسان يملك قلب قاسي غليظ
إذا رأى الأجنبي يغزي أراضـيه غـض
عميل مـنحط متواطي وشـومه بغيض
قـلّ للـذي فوق أحضـان السعودي ربـض
وصـار خـادم ومتسـوّل لديهم ربيـض
الشعب لك ياالعميل المرتزق قـد بغـض
مـاعـادشي لك مـكانـه عندنا لـو تبيـض
أمّـا الذي قد حـشـر نفسـه وجاء واعتـرض
واشتى يحقّـق مراده في بـلدنـا العـريض
الشعب قد ثـار ضـدّك ياالملك و أنتفـض
خامس سنه يركض أذنابك ركيض الركـيض
أسـأل علينا الربـوعـه أو تخـبّر حـرض
كيف اولياء الله ذي تدحض جنودك دحيض
كم من أسـد قد نهش لحمة جنودك وعـض
في كل جبهه بيكرضهم كريض الكريض
يماني المجد شـامخ للمـذلّـه رفـض
صـامد مجاهد وحـارس للسعيده حفيظ
قلب اليماني بـدقّـات الكرامـه نبـض
والعـز ياراعي الماعـز لجسمه ومـيض
هـيهـات يـرضـى مـقابل للشـرف أو عـوض
ولا تكـون المـذلّـه للكـرامـه نقـيض
عـينـه تراقـب لـغازينا ولا قـد غـمـض
بقـاذف إسـكود ذي ينفض عتادك نفيض
قــلّ للسـعودي إذا مـاقـد فـهم واتّـعـض
يبشـر بسـيل المـسـيّـر والثواقب تفيـض
✍الشاعـر/جميل جعفر ابوشامخ
ليست هناك تعليقات:
إرسال تعليق
ادرج تعليقك في مجلة شعراء العرب