"ارحب بالحياة "
:::::ر:::::ح:::::ا::::::ب::::
ازاي وانا عشت سنين العمر كله بحلم بضمة من بين عنينك
كنت بحلم بيك وافكر امتى اقبلك امتى لحظة شوقنا تقدر تمتلكنا
كنت برسمنا نجوم وجناحها حره نجري نلعب نضحك ومحدش يقدر يحوشنا
كنت بتمناك عشاني شمس احضانها حناني مطره بتداوي في حنيني عشان يعيشلك
عشان اكون جواك مدينة فيها احلامنا القديمه وحبتين حنان يدوب يعوضونا يرجوع لحظة منها ياما كانوا منها ياروحي بيحرمونا
كنت تايهة رغم عقلي رغم كل نجاح في عمري كنت فاشلة عشان ايديا لسه ملقيتش ايديك
كنت بتعذب ليلاتي قلبي بيصرخ يهاتي هو فين اللي سايبني مسجونة لاهاتي
احتمال انا كنت عايشة واحتمال صاحية ونايمه بس كان جوايا معنى غير دا كله
كنت حساني معاك قلبي في موجة هواك كلي لك
وحتى انفساسي بطعمك حاجة كانت مخلياني عارفه انك جاي جاي
والنهارده بعد طول غياب طويل ايديا حضنها ايديك
وعيوني داقت فرحة من شربت عينيك
انا من هنا احب ارحب بالحياة
قلبي رغم الالم كتيره لسه عايش بس بيك فرحته فوق المعاني
ووهبت قلبي يا روحي ليك
بس وحياتي حبيبي خدني مني.. اشتريني خليني جانبك.. وعمري كله بكل لحظة ملك نظرة حنينه ..بالله عليك
مش مهم انا قبلك انت كنت ايه! مش مهم قبلي انت عشت عمرك يا حبيبي لايه وليه
المهم اننا وصلنا اخيرا بعد رعد وبرق والم وخدتني ما بين ضلوعك..
حبيبي ضمني و سيبني انام..انا بس النهارده عندي احساس بالامان
ولو توهت منك اعرف انك فيا باقى مهما جبرتني الليالي او حكمت فيا الاعادي
انت حبي زي لوني وزي جلدي .. انت عشقي
رحاب مرجان
الخميس، 28 نوفمبر 2019
ارحب بالحياة بقلم الاستاذة رحاب
الاشتراك في:
تعليقات الرسالة (Atom)
حكمة
في بعض الأحيان الخطوة الأولى هي الخطوة الأصعب تقدم وأخطوها فقط وليكن لديك الشجاعة الكافية لان تتبع إحساسك وحاستك السادسة.
حكمة اليوم !
ليست هناك تعليقات:
إرسال تعليق
ادرج تعليقك في مجلة شعراء العرب