(المعلم)
الحمدلك ياالهى مامضى امسي
والشكر لك شكر يالله ياعليم الحال
وازكى صلاتي عدد ماخط هاجوسي
على محمد نبي الله وآل الآل
ياهاجسي خلي ابيات القصيد ترسي
وبحر الاشعار تحمل قارب الاقوال
والشكر بس للمعلم ذي شرح درسي
ذي يشرح الصعب وقلي كيف الاستقبال
من اجلنا ماينوم الليل بس يمسي
يلخص الدرس والامثال والافعال
لو نساله مابيتعب او يقول بسي
من اجلنا يحمل الاصعاب والاثقال
يشرح مسنب والطالب على الكرسي
ويكون مفتاح لذي عقله كما الاقفال
قالو منوه ذا المعلم قلت هو نخسي
وهوه فوادي وهوه رقمي في الجوال
وهو لنا النور بل هوه في الصباح شمسي
وفرحه العيد ذي تاتي مع شوال
قالو وقدر المعلم قلت فوق راسي
وانا افتخر لاطرحته فوق راسي شال
قالو عتفديه قلت افديه في نفسي
وان كان محتاج والله لااقتلب له مال
والختم اصلي عدد ماخط هاجوسي
على محمد نبي الله وآل الآل
ا.صفوان العماري (ابوجبل)
ليست هناك تعليقات:
إرسال تعليق
ادرج تعليقك في مجلة شعراء العرب