🌹صدى صوتي🌹
إسمع صدى قلبي بشوقه يناجيك
أسرت قلبي في مفاتن جمالك
الحب لك موقوف يوصل معاليك
والروح بك تحيا بنغمة مقالك
روحي لروحك عاشقه نفسها فيك
ياساكن الأعماق كل الحشا لك
ياغاية المقصد بعمري أنا افديك
والدهر لو صابك تراني دوا لك
أبيع انا العالم وبالغالي اشريك
أنا وما أملك وكلي حلالك
يامهجتي لو عنّ في البال طاريك
تشرق لي اوقاتي كأني قبالك
لك عهد مني وسط عيني ترا اخبيك
مافي البشر يازين عندي مثالك
احمد مسعود
ليست هناك تعليقات:
إرسال تعليق
ادرج تعليقك في مجلة شعراء العرب