*🌹سهره وتشويشه🌹*
ياراعي الوصف ايش الكف ذي منقوش
والخصر ذي منحول يشبه حبة الشيشه
ايش الحلا ايش وايش الشعر ذي مندوش
والثغر ذي بالقماش يا خل غطيشه
والمبسم اللي بريق اللزج هــو مرشوش
طازج مجهز عسل دوعان فــي خيشه
ايش الغنج والدلع والوجه ذي مبشوش
عد كان معي حِس ياذي البنت شليشه
ايش الحُسُنّ ايش لو هم يا قمر زفوش
نورش سطع على ارض الشام من بيشه
خليش كمن فتى في نظرتش مرهوش
واغويش قلب المحب ياعمري اغويشه
اي والله اني من اكعاب الصدر معطوش
لو كان معش وقت فاضي جي وفضيشه
نسمر مع بعـض واهيص معش واشوش
ونقضي الوقت في ضحكه و تحشيشه
شجني ببسان صدرش صدق انا وانوش
واقطف ثمار المحبه من عشاعيشه
قد صار قلبي بلذ الشوق لش معفوش
و ماسواش خافقي يهنئ معش عيشه
انا اعشقش عشق ماهو والقسم مغشوش
كنه عسل وسط فنجال قـمش صبيشه
بالله عليش ارحمي هذا الفتى المطفوش
قد صـــار ضبحان مـن كـــثرة تشاويشه
*✍القاصف الحربي عبد الفتاح الراعي🌹*
ليست هناك تعليقات:
إرسال تعليق
ادرج تعليقك في مجلة شعراء العرب