كورونا والعيد
حتى بيوم العيد نفسي خايفه
ماجيت حد زاير ولا جاني ضيوف
ما زرتهم حتى زياره خاطفه
او بالزياره عاد تسمحلي الظروف
هَمّ الكرونا و الجراح النازفه
خلّى اليمانيّين في شده وخوف
فيروس أقوى من عبوه ناسفه
فتاك وارقام الضحايا بالألوف
ما زرتهم مثل السنين السالفه
والا تصافحنا ومدينا الكفوف
عيني لغير الموت ماهي شايفه
وغير وجه الموت عينك ماتشوف
الغام من تحتي وفوقي عاصفه
عيد اليمانيين ذي صاموا عَطُوف
جمال الجماعي
عدوان وكورونا قوى متكاتفه
والشوق لك يا ريمتي رغم الظروف
من الكرونا الناس تمسي خايفه
والخوف يذبحها كما حد السيوف
اشتاقها رغم الكرونا العاصفه
يا ليت وانا جنبها من دون خوف
يا رب فرجها برحمه كاشفه
وعينها للشر دايم ماتشوف
ام. ريم.
ليست هناك تعليقات:
إرسال تعليق
ادرج تعليقك في مجلة شعراء العرب