زين الطباع
مالك بدل لو قلت القى لك بدل
انت وحدك تحتوي زين الطباع
انت فقت البدر وجتزت العسل
والحلا في بسمتك كنة شعاع
انت وحدك ينضرب فيك المثل
في شموخك والسمو والارتفاع
جيتك بكلمات حبي والجمل
لان سري ياحبيب القلب شاع
ناهبن قلبي وانا كلي خجل
اشتكي عن خل ولعني وضاع
كيف قلبي ضاق من صدري ومل
مابقي له وسط احشائي وساع
تعال نتفاهم عسى نخرج بحل
لا تزيد الوضع وتشب الصراع
لا مجال لجروح قلبي والعلل
ولا مكان للهجر هذا والنزاع
عاشقك والورد في يده ذبل
وصار ورد الحب عديم الانتفاع
اسقني من كاس مافيها زعل
وضمد جروحي وطفي الالتياع
الشاعر
عماد العجري 10/3/2021
ليست هناك تعليقات:
إرسال تعليق
ادرج تعليقك في مجلة شعراء العرب