---------تأتي ليالي----------
تاتي ليالي معتمه ما بها ضو
والصبح يطلع مايضوي علينا
بزوغ شمس الصبح تشو الكبد شو
و كـأنما نيــرانها تـحتـرينـا
واذا جت القمرا بدا الليل يحلو
وتزينت سابع سما في عنينا
تاتي غيوم محمله حيل بالسو(ء)
تحجب ضيا القمرا وتسقط علينا
شهاب ثاقب كلما خاض فالجو
زاد اشتعال وعَمَّق الجرح فينا
مدري هي العتمه في الروح تلتو
والا القدر يحجب شعاعه علينا
مدري جفى الايام مكتوب للتو
والا يـسايرنا مـدى ماحييـنا
مـدري القواعد كلها ثابتـه أو
في لحظة تصبح كسف تسطلينا
مدري متى نفرح ونهنى ونسلو
وننسى ندوب معلمه في يدينا
يالله جَمّلها ترى القلب يكتو (ي)
و ي الله بالاقـراب لاتبتلينــا
✍🏻ريحان 2021:3:28
ليست هناك تعليقات:
إرسال تعليق
ادرج تعليقك في مجلة شعراء العرب