ً *حبيت*
حبيت رمز الحسن والتحافة
ورقّـــة الأســـلوب واللطافة
ما تلق فيها عنف أو جلافـة
من حسنها دايم أسبح الله
الـذوق فيهــا رمــز للتمـدن
والأنــس والأخـــلاق والتفنن
تعدل مزاجي مثل قهوة البن
جمال طبيعي موهبة من الله
الوجــه مثل البدر شــع نــوره
تشبه حمام الدور في قصـوره
ليت الزمن يسمح لنا نزوره
ماعاد قدرت اصبر ياغارة الله
شفت البرد من مبسمه تجلى
وشهـد ريقـه بالعسـل تـحلى
وعنـق مـثل العـــاج قـد تدلى
تبـارك الرحمن مـا يخلق الله
من العيون اطلق علي سهامه
ووسط قلبي قد سكن غرامه
سلبت عقلي يا غـزال رامـــه
ترعى وتتنقــل بهيجــة الله
الليم والرمــان وســط صدره
أمــا الرشاقة في نحول خصره
مثل الغزال يمشي بوسط قفره
واذا خرج جنن خــلايق الله
دعيــت ربي ليــل يـا حبيبي
تكون من حظي ومـن نصيبي
دوا جــروحي أنت يــا طبيبي
والحب نعمه مرسلة من الله
الشاعر أحمد مسعود
2021/6/10
ليست هناك تعليقات:
إرسال تعليق
ادرج تعليقك في مجلة شعراء العرب