( في صحبه الانذال مابش.خراج )
من هو معي كفو انا با اقدره
واجعل مكانه فوق الراس تاج
ومن كان معيا فسل اقول المعذره
في صحبه امثاله حرام مابه خراج
ما اشتيش انا صاحب يزيد مجبره
يجي ويرحل كننا. سوق الحراج
ماهمني صيته وحتى مظهره
والايجيني حسب عقله والمزاج
من كان معيا جيد انا ما با اقهره
واكون له مرهم لجرحه والعلاج
اشتي معي يوقف ولو الى المقبره
في السلم والا في طريق الانعواج
يقطع به المعروف مايوم ينكره
لاجاء الظلام شع شع بنوره والسراج
لاشاف مني عيب عيبي يستره
وان دق وقت الجد والفزعات هاج
ما الفسل لاستكفى حرام ما تبسره
شا ابيع ابوه وابسر ضماري والخراج
واوبه يغرك صاحبك من مظهره
ذي تحسبه الماااااس يطلع لك زجاج
يجلس يبقبق في المجالس كالمره
فلان هو صالح فلان صلى وحاج
ياكم صور سلفي وكم في الكيمره
لاكن طبعه يا رجال مثل النعاج
ياكم كتبنا من حروف متكرره
ياكم فعلنا بس امدح لك دجااج
خليك واضح والشنب لاتخسره
وعز قدر واجعله في الراس تاج
📝📝شاعر صنعاء
ابو حيدر السياغي
https://t.me/fahdgazigazi
ليست هناك تعليقات:
إرسال تعليق
ادرج تعليقك في مجلة شعراء العرب