الحظ، بقلم الشاعر/عماد العجري

الحظ

الحظ من يقدر يحدد مباديك

ويوزنك عند الخلايق بميزان

إن زان لك كل الشديدات تأتيك

وتزهر لك الدنيا بالؤلؤ ومرجان

ان زان لك كل الخلايق تصافيك

وتصير بين الناس ياصاحبي فلان

ان زان لك محدن بفخرة يضاهيك

انت الملك وانته على الكل سلطان

ان زان حظك من يناظر معاليك

ان صحت بالعالم خضع انسه وجان

ان زان حظك كل واحد يخاويك

وياكثر ما تلقى من الناس اخوان

وان شان حظك تفتقر من يؤاسيك

والله ما تلقى من الناس انسان

ان شان تفشل بك وتخفق مساعيك

وتشناك كل الناس اهلك وخلان

ان شان بك تمرض ولاحدن يداؤيك

حتى ولو تعمل مع الناس إحسان

وصاحبك يمسح سجلك ويمحيّك

مادام وان الحظ ياصاحبي شان

هذا علوم الصدق ياخوي أعطيك

أن شان حظك طحت وتقوم لا زان

الشاعر

عماد العجري

25/9/2021