يامن فوق سبعا شداد@مهلك قوم فرعون وعاد@وحدك انت رب العباد@ياحسبي ونعم الوكيل
قيوم فرد واحد احد@ذي بك كل عبد اعتمد@حاشا أن يكن لك ولد@رب الكون مالك بديل
يارب احمدك وشكرك@ياحاكم وما اعدلك@كل الكون بقبضة يدك@انت الحي انت الجليل
قال ذي عاش بين الهموم@ طرفه ماتهنئ ينوم@ يالمرسول شل العلوم@ صوب المملكه لاتميل
شل القول للمغترب@ ذي في غربته قد حنب@ ماحصل وماقد كسب@ للمكتب وحق الكفيل
كم يتعب لأجل الجواز@يدخل نجد وارض الحجاز@قد وفاء يبيع الجهاز@واليوم حالنا اكبر دليل
قل للمغترب؛في الحدود@ كم جسمه تمنئ البرود@ احذر لايصيبك شرود@ او تصبح بقهرك قتيل
دايم هكذا حالنا @ ابانا مع اجدادنا @ يأتو بعدنا اجيالنا @ جيلا ثم يتليه جيل
له في الشهر الفين ريال@ بالمصروف وحق العيال@ دائم عيشته في خيال@ متعذب وحمله ثقيل
له عامين من زوجته@ حولين ماتشوف صورته@ كم في يومهااتمنته@لكن رجعته مستحيل
لا شي يوم صابه تلف@ قام روح بألفين سلف@ والناس تقصد انه جحف@ ويسموه انسان نبيل
اما حال ذي في الوطن@عمره ما انبسط وافتهن@بين القهر بين الحزن@متحسر وقلبه عليل
كم جهد المواطن تعب@بين الهم بين الكرب@حتى لو ذهب واغترب@فارق للولد والخليل
دايم عيشته في كفاح@طول العمر ابد مااستراح@متعذب وكله جراح@دمعه فوق خده يسيل
لو عايش بوسط الديار@عيشه كنها وسط نار@كيف باعيش وسط الحصار@والجبهات تشعل شعيل
دايم في صراع مستمر@مايرتاح طول العمر@حتى في التراب يقتبر@ويلاقي الكريم الجليل
طرف العين للنوم عاف@شفت الشعب كله حراف@خايف لايصيبه جفاف@والمحصول كله يزيل
قد زاد الثمن في السلع@والكيس الدقيق ارتفع@من وين للمواطن طبع@ذي يدفع لقوته يشيل
من سبب لكل الحروب@ في شعبي وكل الشعوب@ عم الحزن كل القلوب@ من يشعل لهيب الفتيل
من للشعب هذا اهان@ للدستور والعهد خان@ من راهن علينا رهان@في المقتول والاالقتيل
صار الاخ يقتل اخوه@ حتى الابن والا ابوه@ ماهمه ولو يقبروه@ دم الشعب كله يسيل
ابو شوقي العليي
ليست هناك تعليقات:
إرسال تعليق
ادرج تعليقك في مجلة شعراء العرب