گالو الزمان صعاب
گالو الزمان صعاب
گلت اليوم تقادا الصبر
زمان الناس عايشة مرتاحة
بالحمد والشكر لله على النعمة
قانعة بلي جاها فرزقها اليوم
وماتسول اش نخبي لغدا
صابرة على الجوع والعرا
الولاد يوكلو الوالدين ويبقاو بلاش
والوالدين يحيدوها من كرشهم
باش الصغار ما يحسو بجوع ولا عطش
علاش اليوم والخير كثير
بنادم يضل ينكر الهير
ويحسب حساب غدا قبل اليوم
شي مايفكر فشي تگول عديان
ماشي خاوا أو جيران
اليوم القناعة مشات ودات الحمد والشكر
والبركة دارت جنحين وطارت
والخير كثير وفعينهم يبان قليل
وصلنا زمان تحقق فيه ما گال
سيد البشر عليه الصلاة والسلام
ما يعمر كرش بنادم غير التراب
بقلم أم كلثوم أزوگاي
ليست هناك تعليقات:
إرسال تعليق
ادرج تعليقك في مجلة شعراء العرب