شوق
يامن على جمر الغضى تحمل الشوق
حيــلك على قلبي المعنى وشــوقه
خذني مع اللي قده الحلو ممشــوق
ولحظه اللي كم سبتني بروقـــــــه
ظبي الفلا دايم له الود محـــقوق
والذوق والله هو مــن أكبر حقــوقه
حســـنه على كل المخاليق بيفـــوق
ما شفـــت مثله في جماله وذوقــه
امشي مع الغيمات يا حادي النوق
واحدي عن اللي مااجمله فوق نوقه
يغيّر الغربي اذا طـــــل لشروق
وتزهر البيـــــداء بطلـــــة شروقـــه
دايم ونبضي شايله حب وخفوق
مهما حرمنـــــي بالهـــوى من خفوقه
بصبر ولو بي من(....)جملة احروق
عسى يداوي خافقي من حـــروقه
بعطيه روحي دون عن كل مخلوق
وافديه والله لو حياتي تروقــــــه
ما يعرف اني بالجفا صرت مخنوق
واني مطـوق دون عــمري بطوقــــه
كل الغصص تمســـــي بريات وحلوق
وانا بغصــــــة في الحشا من فروقه
لحني مع العشاق والقلب مسروق
كِنــــه على وصلي مقطـــــــــع عروقه
مارس بهـــــدنة بيننا جملة اخروق
وانا لأجــــله كــــم بسامح خــــــروقه
شلته براسي بالمحبة ومن فوق
دايم بقلبــــي ساكـــنٍ في عروقــــــــه
#منصر_السلامي
ليست هناك تعليقات:
إرسال تعليق
ادرج تعليقك في مجلة شعراء العرب