يارب فرج عني الضيق والالم
وداوه جروح القلب ياكاسي العظام
وغفر لي الاخطاء ياوسع الكرم
وارجوك تبعدني عن العيب والحرام
قال المعنئ اح قد حلمي. انهدم
وضاعت الامال واصبحت حطام
والقلب صار يشعل براكين من حمم
من باطل الاصاحب والحب والغرام
حبيت لي احباب وغليتهم نعم
لاكن باعوني بلاش وقت الازدحام
وصاحبت لي اصحاب ماعندهم ذمم
بالغدر جازوني على ذالك الوئام.
اهواء على اللي نسيو العيش والعشم
واتكبرو ما. عاد بي ردو السلام
علمتهم كيف يرمو السهم للقمم
وحين كبرو اطلقو نحوي السهام
قلو لمن قدصار في الخدع متهم
ماعد له قيمه ولو غير النظام
لان المخادع في الاخير يجني الندم
ويضيع مقداره ويصبح ربع جرام
ومن عاش من صغره وماهوش محترم
ماظن بايلقاء موده. او احترام
ومن خلف وعده وما اوفاء ولا التزم
ما له ثقه من بعد مااخلف ولا اهتمام
فلاتئمن البياع حتى لو ابتسم
ولا يغرك شخص باشنابه الئام
لو الشنب يعلي المكان ان قد الدمم
بشنابها وصلت الئ عالي المقام
ولا تصدق من تكلم عن القيم
لان القيم بالفعل ماهيش بالكلام
✍🏻الشاعر/ عبدالله الفراصي
ليست هناك تعليقات:
إرسال تعليق
ادرج تعليقك في مجلة شعراء العرب