صبري على مــر الليـالي والايام
علمني اخفي ضيقتي عن ظلالي
وحلمي على غدر المواجع والالام
خلاني انزف جرح حالي لحالي
احجب عن العالم ملامح خبر هام
وارسم تفاصيل الخبر من خيالي
دام المشاعر في حضور امها ايتام
لا عاد تسألني وش اللي جرالي
حرمت عن نفسي اكاذيب الاعلام
وانهيت وصل اللي يغثه وصالي
ماعاد ينس وحدتي غير الالهام
اكتب ولا جيت اكتب اللي ببالي
سيل على خد الورق دمع الاقلام
واغتــالت الايـام نور الليــــالي
علمني الماضي اصارع للاوهام
وامشي مع الحاضر ولا اثق بغالي
واجني حكم من تجربه عشتها اعوام
شاهدتها في يوم مرت خلالي
من يبني الواقع على طيش الاحلام
يصبح وصوله صعب نحو المعالي
خالد الخطاف الكميم
ليست هناك تعليقات:
إرسال تعليق
ادرج تعليقك في مجلة شعراء العرب