الباهوت هلال المرادي
كلن معه ليلى عليها يغني
وانا على ليلاي بالشعر غنيت
ليلاي ياميلاد شعري وفني
يابدعي اللي به تعنيت واعنيت
ياحبي اللي ماكذب فيه ظني
ياغايتي يامنتهى ماتمنيت
يارهن حبي ذي بحبه رهني
ياول وثاني به تبديت واثنيت
في ماك ياقطرالندى ذاب بني
ياولعتي ذي في هواها تفنيت
يا كل كلي أنت يابعض مني
ياروح روحي ذي للقياه حنيت
إن شي على نفسي بحبك تجني
نعم التجني ذي عليا تجنيت
ونكان ربي في هواك امتحني
فَنْت امتحان الله ذي به تهنيت
لوالسلامه دايمآ بالتأني
مَنْت السلامه ذي بها ماتأنيت
لكن عسى مايبعدك شر عني
ولا يخيّب ظن بَ الله ظنيت
هلال المرادي
ليست هناك تعليقات:
إرسال تعليق
ادرج تعليقك في مجلة شعراء العرب