اسكه نجي نقتطف من مفردات الحروف
جمله ومن بعدها جملها وبعدا قصيد
ونلف هانا شويه بعدها بانطوف
على الحكم والبلاغه تعصدوها عصيد
من بعد ما تعصدوها فم لقفي شغوف
لأبتلاع العصيده ذي غذاها يفيد
اكيد انا بابتلع جهدي ولو هي ردوف
واخلي الكل بعدي بالبقا يستفيد
ونكم زهود يارفاقي إعلنوها وقوف
اتفرجوا بس ياعده تعد العديد
يوه يا سعيدي حن ادهف مفرداتي دهوف
وازجها بين وزن القاف كالجنجويد
بانتف القاف ياجمهور ماليوم نتوف
وانا يفيد النتيف ياويلها بالوقيد
من قاف شعري تخيل يعرقين السقوف
كن الحرف كيفت من قات ضابح مديد
اصلاً انا جيت اجحف للمعاني جحوف
بس الذي خفت منه يبتسقن الوريد
الحرف سكين والقاف يا صديقي خروف
اكيد مابايكون سكين الا حديد
اترادفت كل جزله من لساني ردوف
واتقررربت كل جزله بالحبال البعيد
قطوف ياسين عليك ياهاجسي من قطوف
قلي امانه من اين خزنت ياذا المريد
على العموم خلي افكارك بتدحف دحوف
وخلي الفاظ شعرك قبيله لا تحيد
هيا اخرجوا مثل ما قالوا لشم الانوف
واتصاعدوا من صعيدي لا نويت الصعيد
خيرات جينا بواحد مرحبا بالضيوف
لو ان قافي قد تثلج برد نابت جليد
صعيف باقلب خبرها في قصيدي صعوف
من اجل يثبت ثبات الوزن انّا يحيد
زغوف بالله ايش معناتها ف الحروف
يالله اشرح القاف حقك بالمعاني وزيد
الحرف ملسا وناعم مثل عد الالوف
الشوك ينبت على الهيجا وهو ولد جيد
عيد المعاجم وركز ذي تقول فيلسوف
شوف اسمي اعلاه متبروز كأنه رغيد
الان ١٩ والـ ٢٠ ذلحيت تشوف
ابيات تشقد معاني من بحوري شقيد
اوّه قويه امانه ياجبوبي دغوف
لكن وجدت صح القافيه والفقيد
ايش رايكم نكتفي لاعد نواصل زحوف
لأن كامل قصيدي زاحفه او أعيد
نورالدين المقاتلي
ليست هناك تعليقات:
إرسال تعليق
ادرج تعليقك في مجلة شعراء العرب