ذكريات مجاهد
بقلم الشاعر/همدان السباء
قال همدان وينش وين ياقافياتي
شاركيني لنظم أبيات جزلاء جميله
واكتبي من مداد الدم اسماء مناتي
جنة الله ولابه غيرها لي حصيله
وايش تنفع زكاتي لاأمل في صلاتي
أن ماكنت لله بايعي في سبيله
اكتبي أيه الدنيا معي ذكرياتي
ما افلح الا مجاهد كان ربي وكيله
الوفاء عظم ساقي والكرامه عصاتي
كيف بمشي وانا الي مشيتي مستحيله
أن مشيت المعزه ساكنه اعماق ذاتي
دايم الحر نفسه مابتمشي ذليله
دون عزي ودون النصر حدد وفاتي
واعلنواها لغيري دونها مابقي له
صعب ياكل طاغي تفرحوا في مماتي
دام راسي لغير الله ماينحني له
هات بركان هات اسكود والطايراتي
والمجنح وقاهر ياحليله حليله
صنع اصلي يماني أشرف الكائناتي
باتواجه قواكم ياعيال البليله
أشهدوا يوم نصري من ملاحم ثباتي
واسمعوا لحتفال النصر شيله أصيله
صرخة الحق دوت فوق روس الطغاتي
والمنايا تحوم حول الحشود العميله
أعلنوا حرب كبرى من جميع الجهاتي
لاتبقوا منافق يااسود القبيله
شمروا يارجالي قبل وقت الفواتي
قرب النصر قرب مابقاء الا قليله
الوداع يا عيالي الوداع يابناتي
خاطر امي وابي واستودعش يلخليله
مابقي شيئ في الدنيا يطيب حياتي
غير درب الجهاد في ذا الحياه القليله
همدان السباء
ليست هناك تعليقات:
إرسال تعليق
ادرج تعليقك في مجلة شعراء العرب