👋🏼👋🏼مجارت اليله👋🏼👋🏼
, /////اوضاع اليمن/////
للمجاره
قال اخو راجح المقدام ياكل شاعر
عن وطنى تباهو باالحروف الفريدة
وافخرو في,يمنا ياالرجال القياصر
واكتبو عن وطناء ارض سام السعيده
تحيات
الشاعر احمد العوبلي✍🏻
عن يمنا الحبيب بكتب ملان الدفاتر
بس مهما كتبت ياصاحبي مايفيده
أيش بقول أنا ياناس باضل حائر
أيش بوصف وفي أرضي مصائب. عديدة
المرشدي👆🏽
مرحبا مرحبا فيك يا قرن عاصر*
*من وسط ارض يحصب مرحبا لاعبيدة*
*والقسم يا حروفك هيجت للمشاعر*
*لجل مدح اليمن في حروف القصيدة*
ابو الكرار قعشة👆🏽😘
مرحب بشاعر يجارينا بصدق المشاعر
عن الوطن ذي بلوه اهل الغوا والمكيده
ذي مزقوه من دون سكينه وحد المقاصر
يـااحني اح كانـت فـي زمـان السـعـيده
بقلم /يحيی العسمي
شعب اليمن ماضي واتي وحاضر
مثل القصيده الرايعه والنشيده
مامثل شعبك يابطل بالمخابر
وبالرجاله والمشاهد عديده
👋🏼👋🏼👋🏼
صحت لسانك وقولك ذي يهز المشاعر
بس يا خوك سعدي كيف بقدر اعيده
امي اليمن ذي تعاني واشتكت كم مخاطر
كم معاناة فيها كم مواجع عديدة
.المهاجر خالد حمدي سويدان
شعب اليمن مايهاب المخاطر
ساعة الخطر نار حامي وقيده
اليمن كلها شعب شامخ وثائر
ذكرهم في الورى بالصفات الحميدة
ابوفارس المخلافي👆🏽
قال ابوحاشد المعروف من طيب خاطر
مرحبا قول اخو راجح مراحب عديده
اصبح الوضع متازم والوطن في مخاطر
من اذناب الصحاب العقول البليده
مرحبا ياكل نشمي وثائر
من أتانا والوفا لف جيده
والوطن همّه وعنوان حاضر
الوطن يااهل العقول الرشيده
منصور السلفي👆🏽
نصبر ومهما علينا با تدور الدواير
رب السماء با يجازينا بجنه مديده
قد حالنا ما تطمن انسان مسلم وكافر
والمواطن جراحه ياناس ترعد رعيده
👋🏼👋🏼👋🏼👋🏼
من ذماااااااار موقعي بل إنس العز طامر
ومطمر ابياااااات جزله حميريه مجيده
نسل شـــمر يـــهرعش مثل حد الخناجر
واليمن يمن حكـــمه ونهـــــج العقــــيده
ذمار إنس👋🏼
ارض اليمن ما توازيها ابيات شعري والمشــاعر
وان كتبت ماكتبت وهوجست ابياتي الجديده
ما بوازي حقها حتى ولو طليت عامين ســـاهر
ونقيت من اقوى البحور ماتوازيها الفين قصيده
✍ الزعيــم اليماني
عبدالمجيد الخضمي
مرحباالعوبلي ذي جا بزين المشاعر
عن محبة وطن يحكي بلهفة شديدة
عن يمن غالي اوصافه بتاريخ زاخر
بلدةً طيبة إيمان حكمة رشيدة
محمودالفاتقي
وانت يامرسلي جهز متاعك وسافر
خذ معك عطر فل ومن الزهور الفريده
وعطي للعوبلي اجمل عطور ومباخــر
وأهديه أجمل تحياتي وقُبلهْ في ايدة
ناظم المرشدي
يا اخو راجح المقدام يا ليث كاسر
يا عريس القوافي والعروس القصيده
جبت بيتين لكن هيجت لي المشاعر
انت شاعر مثالي مانكرنا رصيده
دمت نجم اليمن في ادبنا المعاصر
يوم تعطر مسانا بالحروف المجيده
✍🏻 *ابو محمد الصعدي*
قال شاعر بسم الله رغم المخاطر
نركب البحر لي فيه المواج العتيده
كان قبطان قائدنا وعشنا اباطر
والحواشي على يمناه من كل عضيده
سالم ناصر👆🏽
مرحب مرحب يادرع وقت المخاطر
من يريم السلام ولعز وارضن حميدة
وكتبوا عن يمن ايمان فيها اقو مناضر
اهل الكرم والجود تنشر في جريده
ابو صادق بربر👆🏽
ليست هناك تعليقات:
إرسال تعليق
ادرج تعليقك في مجلة شعراء العرب