بروق الخوافق
لاحت بروق الخوافق ياسحاب الغيوم
صبي مزون القوافي حال مخض الرعود
وأنت ياهاجسي هات النبأ والعلوم
وترجم ابيات ماشي مثلها فى الوجود
قال ابن شاعر بتلفحنا نيار الضروم
من باطل الوقت ذي قيد لنا بالقيود
زمان خلى الأسد داخل عرينه ينوم
والثعِـل خلاه يتحكم بقوت الإسود
يكابد العيش في وحل الهموم والغموم
يعيش أوجاع آهاتـه وجرح الكبود
والحُر ذي موقعه عالي وبين النجوم
خلاه هذا الزمن يسجد للانذال سجود
كم جيد مضنى معذّب بين نار الهموم
يذلـه الوقـت ويهــده زمــانه هدود
يتجرع المُر والعلقم وكاس السموم
تراه عايش وقلبه قد طوته اللحود
والنذل عايش زمانه بالرخا والسلوم
والناس حوله وكل الحاشيه والجنود
ليش يازمن؟ليش فوق الجيد دايم تعوم؟
والفسل ترفع مكانه. ليش هذا الصدود؟
قد اصبح الذيب يدفع للثعالب رسوم
والصقر عند الغراب خاضع يقده قدود
وطائر النورس اقتادته حديه وبوم
والخيل صار الحمار بيشد فوقه شدود
للكلام بقيه...........
2020/12/1م
حميدالشاعر
ليست هناك تعليقات:
إرسال تعليق
ادرج تعليقك في مجلة شعراء العرب