(ياصاحبي)
سلام ماهمشل مطر مزن السحابه ذي نزل
ومالمع برقه وبعده حن صوته بالرعود
يملا ربوع ارض اليمن كا السيل دفاقه وزل
من بعدها ثنتين دول يعبر مسافات الحدود
ياحيد متعلي ورافع هامته مثل الجبل
ورايتك بالعز تشمخ يااصيلين الجدود
بو سام قال لاانا في الدنيا الدنيه معتقل
بافز وافك الكلابش ثم تحطيم القيود
واقولها ياصاحبي مثلك حرام ماشي بدل
عالراس لك مقعد وكرسي وسط قلبي لك ودود
✍ابو سام نوح المقدم
♡♡♡♡♡♡♡♡♡♡♡♡
حيا بشاعر طل له طله كما ذيب العول
مالغيث قد همشل وسيله سال من راس الحيود
والارض تتبلل وتشرب مائها العذب الزلل
وتنبت الافضل بفضل الله والنعمه تسود
بالشاعر الاخطل عزيز الشعر شاعر مايُذل
لويشرب الحنظل ويفنى من على هذا الوجود
هو سيفها المستل ابو سام المقدم والبطل
مقدام لا اقبل و عزرائيل للخصم اللدود
صاحب وفي جنتل تناطح هامته كوكب زحل
قوله وفعله دل على انه من وفيين العهود
بالقلب له معمل وله مقعد مكمل مكتمل
والمركز الاول يبين موقعه بين البنود
لو الصحب اختل والوفاء من العالم رحل
والناس تتبدل و تعلن حينها عنه شرود
باجيه حيث ماحل لدفع الضُر ذي هو محتمل
واوقف معه واظل وحدي دوم دواس للوقود
وتحياتي لك ابو سام
*✍*
*القاصف الحربي*
*عبد الفتاح الراعي*
ليست هناك تعليقات:
إرسال تعليق
ادرج تعليقك في مجلة شعراء العرب