مشاركة بقلم صقر غليس

العيد دق ابوابنا..
هيا معي يحبابنا..
نرتاح فلـ اعياد هنا..

عيدك سعيد عيدك سعيد..

العيد عيد العافيه..
والعافيه هي كافيه..
نشتي شوارع فاضيه..

اجلس ببيتك تستفيد ..

ماهو ضروري نختلط..
ونغلط كما العالم غلط..
اجلس ببيتك وانضبط..
منشان كرونا مايزيد..

من اجل تضمن صحتك..
عيد فقط في زوتك..
وحافض على كل اسرتك..

اسمع لما قال العميد

لو نستمر بل ازدحام..
وبلامباله والسلام
كرونا عيعلن اقتحام..
ويضرب بضربه من حديد

عيدك سعيد عيدك سعيد

سوي من البيت اتصال..
لكل المكالف والرجال..
الوضع ماعد به جدال..

ولا فبا تصبح فقيد..

عيدك سعيد يامغترب.ِ
اجلس بعيد لاتقترب..
من اجل تحمي من تحب.ِ
اصبر وبس خليك بعيد
عيدك سعيد عيدك سعيد

اصبر وربك بايعين..
وارتاح لاتجلس حزين.ِ
واشتيك تبقى في يقين.

ان الغثا مابايفيد..

مابايدوم هاذا البلا..
والضيق يجي بعده سلا..
مابش بلا الا انجلا..

والله راحم بالعبيد

✍🏻صقر غليس