قال الفتى الخيال في خيله عزم
نجم الفـصاحه كوكبي وهــلالـهـا
ياصاحبي بوصيك في شد الهمم
وتــرك دروب الـمـنــذله لـنـذالـهـا
حياء الرفيق ذي قال لداعي نعم
وان جِت له الصـولات ولا جالها
درب الرجاله مثلما الحيد الأصم
مـايـوم تتـزحزح جـبـال اطـوالها
باننصـف المضوم لا فينا احتكم
بالناس مـانُحكم بحسب اشكالها
عمـر التكبر مارفع شخص القمم
كـمـن رجّـل فـرعـن وربه شــالها
ماحـد حصد زرعه وماذروه تلم
شوف الحديد يُضرب لسل انصالها
بــذرات جمر النار باتجـنـي حمم
يامن زرعـهـا تحــتـرق ف اهوالها
البعض شال السيف والبعض القلم
واكبـر شـهـايــدهـا فـنون اعمالها
ماتفلح الزهره على صـدر الصـنم
ولا الجـواد تـمشي بغيـــر خـيالها
من ساس فعله ياصديقي مانهدم
والمـخـتـفـاه ف الباطن الله نالها
ماحد زقـر بقعاء ومـا ذاق الألــم
ولا تهـيــن الـــنـاس غيـر افعـالها
كلمة اسف ماردت المجروح سلم
ولا حدن يسلم حمــول اثقــــالها
الـلـوم ولاّ (لــو) مـارد اللـقـســم
ولا يرد الشمـس عكــــس اقبالها
الله يامن خــان وعده والـقـيــم
تخــونه الايام ضــعـــف امـثالها
*ك/نجم الهلالي*
ليست هناك تعليقات:
إرسال تعليق
ادرج تعليقك في مجلة شعراء العرب