*باسي شديد.*
ابو حكيم قال الذي مش داري
يفهم وذي ماقد درى يسمعني
باسي شديد والنار في معياري
لصبت ماعمر الهدف يخطيني
لي كلمتي قدري ولي مقداري
ومن جهلني راح يسأل عني
انا الذي بعبر خطوط الناري
والموت لاجا ماياثر فيني
عز الكرامه والابا في داري
والله سبحانه بينصر ديني
ماحب انا البرزه ولا الثرثاري
ولا احب الناس تمدح فيني
عايش بنعمه من نعيم الباري
والواحد الديان ذي يكفيني
والان بانسري معا القماري
نبحث عن أصحاب الزمان الشيني
صاحب بوقت الطارفه مغواري
وصاحب في الشدات مايلزمني
لصاحب المغوار انا له شاري
والفسل ابيعه قبلما يعنيني
ماصاحب الا الكفو وانا داري
ان الكفو مايوم بايغدرني
ما الصاحب البياع والسمساري
ماسايره لو كان هوه يشتيني
والنذل انا بادق له مسماري
في الرأس ولا العين وصد النيني
عزي لوقتك يازمان أقداري
للفسل الي قدره خرج من عيني
انا وفي حافظ كرامت جاري
لكن جاري فسل بيغثيني
اسري معه في ليله القماري
وهوه بوصد الشمس بيعاديني
لكن حذاري له والف حذاري
بااغزيه دام انه نوى يغزيني
بادق خشمه دق ناري ناري
واذكره لا قد نسى يذكرني
تعبت فيه ياناس وانا داري
لكن طيبي كاد بايقتلني
ياصاح حاسب للحليم القاري
ولا تقله انت خايف مني
لاميزك ااتي اليه دحداري
مالم مربط اوفحمى دقني
الجيد في وقت الغضب بيداري
واحذر تخالف مايقول اهمني
ان قلت بعدك حط لك مقداري
مالم فما ينفعك انسي جني
هذا قصيدي من فهم من داري
ارجع وعيده ياعسى تفهمني
صلو عدد مايروي الغفاري
والترمذي علا محمد مني
صلاة دايم ليلها ونهاري
ماغرد العصفور فلااغصاني
*الشاعر ابو حكيم القنب.✍️🤟*
ليست هناك تعليقات:
إرسال تعليق
ادرج تعليقك في مجلة شعراء العرب