مابش على درب الهواء ورد منثور
كلا ولابه ياحبيبي جعاله
درب المحبه خطه اليوم محضور
من يدخله مسكين يرثى لحاله
مايعرف البسمه ولا يعرف النور
الا اذا قد شاف خله قباله
وانا فؤادي من بلى الحب مسحور
والعين شنت بالدموع المساله
مافادني مرهم ولا فاد دكتور
القلب مدري يابشر ماجرى له
مقهور انا من ظلم الاحباب مقهور
والحب ياكم صوبتني نباله
واصبحت مثل الطير لي جنح مكسور
والطير دون اجناح يصعب رحاله
ياريح يا الي تدخلي داخل الدور
بالله عليك شلي لخلي رساله
قولي له ان الكسر يحتاج تجبور
والقلب ياكم قد تمنى وصاله
ان باتجي مشكور يازين مشكور
والا فباتكفيك هذه الرساله
ابو شوقي العليي
ليست هناك تعليقات:
إرسال تعليق
ادرج تعليقك في مجلة شعراء العرب