الوقت وطباع البشر بقلم الشاعر صدام التالبي

*الوقت وطباع البشر*

يا عايش الوقت لا تإمن طباع البشر
وعيش مرتاح واتحرى الحرام والحلال

وساير الوقت كيف ما انته معاك استمر
وطنش البعض لا تفتح لهولا مجــــــال

ولا تصدق لمن بالهرج جنبك حضـــــر
وقت المواقف تشوف النذل يعلن زوال

في وقت تحتاج من كذبه بيرسل عبر
من كذب معسول يرسل من كلامه مقال

يقول انا لك سلاح الجنب كالمؤتمــــر
ومن كلامه تنافس به رؤوس الجبــال

وفي الحقيقه تنافس به جموع البقر
وفي النذاله قد اسمه صار عندك مثال

بياع نصاب قد قَوله وفعله قَـــــصـــر
ما يعرف الطيب طبعه يعشق الاحتيال

والصاحب الجيد ذي لا الحرب فيك استمر
يوقف جوارك ويعلن من وقوفه نضــــــال

تبقى رصاصه جوارك مثل مُـــــزن المـــطر
يبقى لك الدرع لو تبقى حياتـــــه نكـــــال

لا الخصم لك هد درعك ذي جوارك طَمر
يواجه الخصم جنبك طال لا الخصم طال

وفي الشدايد تشــوفه نــــور مثل القــــمر
يبقى لك البنك لا أتخلت عليك الرجـــــال

تشمخ اذا قال انا لك نور وقت الغُــــــــدر
وانا لك البدر وانته في حياتي هـــــــــلال

من له صديق مثل هذا في الحياه انتصر
يحفظ له القدر هذا في الحياه راس مال

كم يا مواقف معي حلوه وكم يا آمــــر
عايشتها الكل في وقت الضحى والضلال

قارنت ما مر ما بين الوفي والـــــدَشـــــر
والتالبي قال من له كال في العـــــمر كال

من كال لي طيب قلبي بالوفاء له عَـــمر
في القلب له قصر واعطيه الحروف الجزال

ومن خدعني وقصده جاب فيني ضَـــــرر
يبشر بموقف تقطع ساعديه بالنصـــــــــال

اخذت في الكون هذا من زماني صـــــور
بروزتها الكل تبـــــــقى تذكره للعــــــــيال

صدام التالبي