*--خلود المجد--*
انا لك يا اله الكون صليت
ولك يارب انا مديت يدي
ومن اهل الهوى والحب مليت
ومن غدر البشر اعلنت وجدي
بطبعي في زماني قد تعليت
ورثت العز انا من عهد جدي
عشقتك يايمن انتي وحبيت
ولاجل الحب اعلنت التحدي
وهذي لك يدي ياصاح مديت
ولاقررت حربي ما انت قدي
انا اعلنت لك ودي ومديت
وانتي ياحياة العز مدي
انا يدي بيدك ماتخليت
ولايمكن اخالف صدق وعدي
انا ذي لا دعاني العز لبيت
ولو كان البشر والجن ضدي
انا باسم البطولة قد تسميت
وعهد المرجله والمجد عهدي
يماني قط ما للراس دنيت
فغصبا يازمن وقف وهدي
وارض المجد انا فيها تربيت
وبابقى حر لين ارقد بلحدي
ويبقى الاسم كاني ماتوفيت
مخلد يدرسوا الاجيال مجدي
على بحر الوفاء ابحرت وارسيت
الاول في الكرم والكل بعدي
على درب الكرامة قط ما اخطيت
اواجه في الوغاء مليون جندي
انا ذي في قلاع العز حليت
وفرسان الفداء يحمون حدي
مع البندق رفيقي قد تسليت
وفي صيد الاسود اتقنت صيدي
وتبع قال لي كفيت ووفيت
بنيت المجد ذي انهار بعدي
*كـ✍🏻/الشـ محمد ـاعـ العمار ـر*
*2020/7/25م*
ليست هناك تعليقات:
إرسال تعليق
ادرج تعليقك في مجلة شعراء العرب